جاڭا قاۋلىعا سايكەس, ءدارىحانالاردان, ازىق-ت ۇلىك دۇكەندەرىنەن, بايلانىسسىز جولمەن قىزمەت كورسەتەتىن نىسانداردان جانە «Ashyq» جوباسىنا قاتىسپايتىن كاسىپكەرلىك نىساندارىنىڭ كوپشىلىگىنىڭ جۇمىسىنا تىيىم سالىنعانىن ايتا كەتۋ كەرەك.
ساۋدا ويىن-ساۋىق ورتالىقتارىنا, ساۋدا ۇيلەرى مەن قالا ورتالىقتارىنا كىرۋ تەك Ashyq جۇيەسىندەگى QR-كودتى سكانەرلەۋ ارقىلى جۇزەگە اسىرىلادى. بۇل نىسانداردىڭ جۇمىس كەستەسى — تاڭعى ساعات 7-دەن 20:00-گە دەيىن. سونىمەن قاتار, سەنبى جانە جەكسەنبى كۇندەرى بۇل نىسانداردىڭ جۇمىسىنا تىيىم سالىنادى.
«فۋدكورتتار جۇمىسىنا سەنبى جانە جەكسەنبى كۇندەرى تىيىم سالىنعان.
ال دۇيسەنبى-جۇما كۇندەرى ادام سانىن 50 ورىننان اسىرماي ساعات 7.00-دەن 20.00-گە دەيىن Ashyq جوباسى ارقىلى جۇمىس ىستەي الادى. جۇمىس جانە دەمالىس كۇندەرى ساعات 7.00-دەن 20.00-گە دەيىن تاماق جەتكىزۋگە جانە وزىمەن الىپ شىعۋعا رۇقسات ەتىلەدى. ءتۇرلى اكتسيالار, جارمەڭكەلەر, شوۋرۋمدار مەن ۇتىس ويىندارىن (ونلاين-فورماتتى قوسپاعاندا) وتكىزۋگە تىيىم سالىنادى», دەلىنگەن قاۋلىدا. سونىمەن قاتار, Ashyq جوباسىنا قاتىسپايتىن قوعامدىق تاماقتانۋ ورىندارى — مەيرامحانالار, كافەلەر, كوفەحانالار, اسحانالار ورنالاسقان جەرىنە قاراماستان تاماق جەتكىزۋ نەمەسە الىپ شىعۋ قىزمەتتەرىن كورسەتە الادى.
Ashyq جوباسىنا قاتىسۋشىلارعا تەك دۇيسەنبى-جۇما كۇندەرى ساعات 07.00-دەن 20.00-گە دەيىن جۇمىس ىستەۋىنە رۇقسات ەتىلەدى.
بۇل رەتتە مەكەمەنىڭ ىشىندە جانە اشىق اۋادا تولتىرىلۋى 50 پايىزدان اسپاۋى كەرەك, بىراق ورىن سانى 50-دەن اسىپ كەتپەۋى ءتيىس.
