وقيعا • 02 تامىز، 2021

جەلىدەگى جۇرتتى الداعان الاياق 3،5 جىلعا سوتتالدى

21 رەت كورسەتىلدى

جامبىل وبلىسىندا Instagram ارقىلى ايەلدەر كيىمىنە تاپسىرىس قابىلداپ، جەلى قولدانۋشىلارىنان 2 ملن تەڭگەدەن استام اقشا الداپ العان ازاماتشاعا سوت ۇكىم شىعاردى، دەپ حابارلايدى Egemen.kz.

ىشكى ىستەر مينيسترلىگى تەرگەۋ دەپارتامەنتىنىڭ باستىعى سانجار ءادىلوۆتىڭ ايتۋىنشا، كۇدىككە ىلىنگەن ازاماتشا - 1995 جىلى تۋعان جامبىل وبلىسىنىڭ تۇرعىنى.

«ونىڭ وڭاي اقشا تابۋ ءۇشىن Instagram ارقىلى ايەلدەر كيىمىنە تاپسىرىس قابىلداپ، ورىنداماعانى بەلگىلى بولدى. الەۋمەتتىك جەلىدە ساتىلاتىن كيىمدەردىڭ كاتالوگىن جاريالايتىن اككاۋنت اشىپ، جالعان حابارلاندىرۋ ىلگەن. ونىڭ قولىندا حابارلاندىرۋدا كورسەتىلگەن تاۋاردىڭ ەشبىرى بولماعان. سويتە تۇرىپ، تاۋاردىڭ باعاسىن 100 پايىز كولەمىندە الدىن الا تولەم قابىلداپ، كۋرەر ارقىلى جولداۋعا ۋادە بەرگەن. كۋرەرلىك قىزمەت تاپسىرىستى ءبىر اپتانىڭ ىشىندە جەتكىزەتىنىن پايدالانىپ، بىرنەشە كۇن بويى الاياقتىعىن ەش كەدەرگىسىز جالعاستىرىپ كەلگەن»، دەيدى ءىىم وكىلى.

وسى ۋاقىت ىشىندە كۇدىكتىنىڭ قۇرىعىنا 40-تان استام ادام ىلىنگەن.

«كۇدىكتىنىڭ قىلمىستىق ارەكەتىنىڭ كەسىرىنەن 40-تان استام ادام الدانعان. ماتەريالدىق شىعىننىڭ جالپى كولەمى 2 ملن تەڭگەدەن اسادى. قىلمىستىق ءىس سوتقا جولدانىپ، سوت ۇكىمىمەن ازاماتشا 3،5 جىلعا باس بوستاندىعىنان ايىرىلدى»، دەدى سانجار ءادىلوۆ.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار