فوتو: يزۆەستيا/دميتري كوروتاەۆ
ددسۇ ستراتەگياسى بويىنشا 2021 جىلدىڭ قىركۇيەگىنە قاراي الەم حالقىنىڭ كەمىندە 10%-ى ۆاكتسينانى الادى, جەلتوقسانعا دەيىن - 40%, ال 2022 جىلدىڭ ورتاسىنا قاراي 60% ەكپە الۋى كەرەك.
بۇل ماقساتقا جەتۋ ءۇشىن الداعى ءتورت ايدا تومەن جانە ورتاشا تابىسى بار ەلدەردىڭ تاعى 250 ميلليون تۇرعىنى ۆاكتسيناتسيالانۋى ءتيىس. اۆتورلاردىڭ ايتۋىنشا, مەديتسينا قىزمەتكەرلەرى مەن جوعارى قاۋىپتى توپتاعى ادامدار ءبىرىنشى ورىندا.
بۇگىنگى كۇنى بۇكىل الەم بويىنشا شامامەن 3 ميلليارد دوزا ۆاكتسينا تاراتىلعانىمەن, COVAX تاراتۋ مەحانيزمىنەن تەك 90 ميلليون دوزا وتكەن. بۇل مەحانيزمدى كەمىندە 60 ەل قولدانادى, بىراق اتالعان ەلدەردە ۆاكتسيناتسيا دەڭگەيى 3%-دان از. سوندىقتان الەمدىك قاۋىمداستىق الەمدىك, ايماقتىق جانە ۇلتتىق دەڭگەيدە ستراتەگيا قابىلداۋى ءتيىس.
«ۆاكتسيناتسيا پروتسەسىن قارجىلاندىرۋ 50 ميلليارد دوللارعا ءوستى, بىراق بۇل ەكونوميكالىق شىعىنداردىڭ جانىندا ەشتەڭە ەمەس», دەپ جازادى اۆتورلار.
