وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جالعان ۆاكتسينا پاسپورتىن جاساعان مەدبيكە بۇگىن, 31 شىلدەدە ۇستالعان.
«پوليتسەيلەر وبلىستىق اكىمدىك جانە پروكۋراتۋرا قىزمەتكەرلەرىمەن بىرگە جەدەل ىزدەستىرۋ ءىس-شاراسىن جۇرگىزىپ, 40 جاستاعى مەدبيكەنى ۇستادى. ول ەgov.kz اقپاراتتىق جۇيەسىنە «Covid-19» ينفەكتسياسىنا قارسى ۆاكتسينا الۋ تۋرالى اقپاراتتى ناقتى ەگىلمەگەن ادامدارعا اقشالاي سىياقى ءۇشىن ەنگىزۋمەن اينالىسقان. كۇدىكتى جالعان اقپارات ەنگىزۋ ءۇشىن 10 مىڭ تەڭگە العانىن مويىندادى», دەپ حابارلادى دەپارتامەنتتىڭ ءباسپاسوز قىزمەتى.
قازىر ۇستالعان مەدبيكەگە قاتىستى قر قىلمىستىق كودەكسىنىڭ 206-بابىنىڭ 1-بولىگىمەن سوتقا دەيىنگى تەرگەۋ ءجۇرىپ جاتىر.
