پروتەزدىك-ورتوپەديالىق كومەككە پروتەز, ءجۇرىس اربالارى, تاياق, بالداق, ورتوپەديالىق اياقكيىم, بانداج, كورسەت, تۋتور, رەكليناتور, باسۇستاعىش, سۋپيناتور, ەمدەۋ بەلدىگى, بالالارعا ارنالعان پروفيلاكتيكالىق شالبار جانە ت.ب. بەرۋ كىرەدى.
پورتال مۇگەدەكتىگى بار ادامدارعا كەرەك زاتىن ءوز بەتىنشە تاڭداۋعا مۇمكىندىك بەرەدى. تاپسىرىستى جەتكىزۋ نەمەسە الىپ كەتۋ ارقىلى الۋعا بولادى.
پورتالدا پروتەزدىك-ورتوپەديالىق قىزمەت كورسەتۋدەن باسقا سۋردوتەحنيكا, تيفلوتەحنيكا جانە گيگيەنا قۇرالدارى, سونداي-اق كرەسلو-اربالار الۋعا ءوتىنىش بەرۋگە بولادى.
جىل باسىنان بەرى الەۋمەتتىك قىزمەتتەر پورتالى ارقىلى مۇگەدەكتىگى بار 113 مىڭنان استام ادام وڭالتۋعا ارنالعان تەحنيكاقۇرالدارىن, 6 مىڭنان استام – ىمداۋ ءتىلى قىزمەتىن, 31 مىڭنان استام – جەكە كومەكشىنىڭ قىزمەتىن الىپ, 36 مىڭعا جۋىعى – ساناتورلىق-كۋرورتتىق ەم الدى جانە 122 مىڭنان استام ادام كەپىلدىك بەرىلگەن الەۋمەتتىك توپتاماعا تاپسىرىس راسىمدەدى.
بۇگىندە پورتالدا ارنايى الەۋمەتتىك قىزمەتتەر كورسەتەتىن 859 مەديتسينالىق-الەۋمەتتىك مەكەمە (بولىمشەلەر), 127 وتق جەتكىزۋشىسى, 13 مىڭنان استام جەكە كومەكشى قىزمەتىن, 250 ىمداۋ ءتىلىن, 66 ساناتورلىق-كۋرورتتىق ەمدەۋدى, 135 كەپىلدەندىرىلگەن الەۋمەتتىك توپتاما بويىنشا ءونىم بەرۋشى تىركەلگەن.
2020 جىلعى 29 جەلتوقساننان باستاپ ەلەكتروندىق ۇكىمەت ارقىلى (eGov.kz) مۇگەدەكتىگى بار ادامدارعا قر ەڭبەك جانە حالىقتى الەۋمەتتىك قورعاۋ مينيسترلىگىنىڭ مەملەكەتتىك قىزمەتىن الۋعا ەلەكتروندىق ءوتىنىم بەرۋ مۇمكىندىگى ىسكە اسىرىلدى. وسى كەزەڭدە ەلەكتروندىق ۇكىمەت پورتالى ارقىلى وڭالتۋ قۇرالدارىمەن جانە قىزمەتتەرىمەن قامتاماسىز ەتۋگە 110,5 مىڭنان استام قۇجات راسىمدەلدى.
«الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسىن ەنگىزۋ مۇگەدەكتىگى بار ادامداردىڭ قۇقىعىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە قاراستىرىلعان.
