ادەبيەت • 30 شىلدە، 2021

بۋكەر سىيلىعى كىمگە بۇيىرادى؟

63 رەت كورسەتىلدى

بيىلعى بۋكەر سىيلىعىنىڭ لونگ-ءتىزىمى جاريالاندى. ماراپاتقا ۇسىنىلعان 158 شىعارمانىڭ 13-ءى ىرىكتەلگەن ۇزىن تىزىمگە ەندى. ونىڭ ىشىندە جاقىندا عانا ورىس تىلىندە جارىققا شىققان نوبەل سىيلىعىنىڭ لاۋرەاتى كادزۋو يسيگۋرونىڭ «كلارا مەن كۇن» رومانى بار.

 ال قالعانى كوبىنەسە ناسىلدىك ماسەلەلەردى قامتىعان تاريحي پروزا. بۇل جولعى اۆتورلاردىڭ گەوگرافياسى ءارتۇرلى: اقش، وڭتۇستىك افريكا، كانادا، شري-لانكا، ۇلىبريتانيا ەلدەرىنەن قاتىسقان. نومينانتتاردىڭ تولىق ءتىزىمى سىيلىقتىڭ رەسمي سايتىندا تۇر. 

بۋكەر سىيلىعىنىڭ قىسقا ءتىزىمى 14 قىركۇيەكتە جاريالانادى. ال 3 قاراشادا جەڭىمپاز انىقتالماق. لاۋرەاتقا 50 مىڭ فۋنت (69 مىڭ اقش دوللارى) سىياقى تابىستالادى.

ايتا كەتەيىك، بۋكەر سىيلىعى 1968 جىلى تاعايىندالعان ەدى. 2014 جىلدان بەرى كىتابى ۇلى­بريتانيادا جاريالانعان كەز كەلگەن اعىلشىنتىلدى جازۋشى قاتىسا الادى. ال بۇرىن بۇل ماراپاتتى تەك ۇلىبريتانيالىق، يرلانديالىق جانە بريتان دوستاستىعىنا كىرەتىن ەلدەردەگى  اۆتورلار الۋعا ءۇمىتتى ەدى.

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار