ءبىزدىڭ «مەرگەن» كانادادا وتەتىن جانرلىق كينوفەستيۆالعا قاتىسادى

جانرلىق كارتينالارعا ار­نالعان الەمدەگى بەدەلدى فەس­­تيۆالداردىڭ ءبىرى – تا­مىز­دىڭ 5-ءى مەن 25-ءى ارا­لى­عىن­دا كانادادا وتەدى. ال­دىمەن اتال­عان كينوتۋىن­دىنى ما­دەنيەت جانە سپورت مينيسترلىگىنىڭ تاپ­سىرىسى­مەن جانە «ۇلتتىق كينونى قولداۋ ورتالىعى» كەاق قولداۋىمەن ش.ايمانوۆ اتىن­داعى «قازاق­فيلم» اق تۇ­سىرگەنىن ايتا كە­تۋ كەرەك.

– «مەرگەن» ءفيلمىنىڭ ال­عاشقى كورسەتىلىمى Fantasia كينو­فەستيۆالى اياسىندا وتە­تىنىنە وتە قۋانىشتىمىز. مون­­­تاجداۋ جۇمىستارى اياق­تالا سالىسىمەن بايقاۋعا جىبەردىك. وسى وراي­دا ما­عان قولداۋ ءبىلدىرىپ, ءفيلم­نىڭ شى­­عۋىنا اتسالىسقان بار­لىق ءتۇ­سىرۋ توبىنا ەرەكشە العى­سىم­دى بىلدىرگىم كەلەدى, – دەدى رەجيسسەر رايىمبەك ءال­جانوۆ.

ءفيلمنىڭ وقيعا جەلىسى XVII عاسىرداعى ۇلى دالاداعى سو­عىس كەزىندە ءوربيدى. اتالعان فيلم­دە قارشاداي بولسا دا, قولىنا قارۋ الىپ, وتباسىن قور­عاۋعا بەل بۋعان مەرگەن ەسىم­دى با­لا­نىڭ ءومىرى بايان­دالادى.

فيلمدەگى باستى رولدە ءاليحان ءابي وينايدى. سون­داي-اق بۇل كارتيناعا راي­حان ايتقوجانوۆا جانە دۋ­­لى­­عا اقمولدا سىندى تانى­مال اكتەرلەر تۇسكەن. ءفيلم­نىڭ ءتۇ­سىرۋ جۇمىستارى ال­ما­تى وب­لى­سىنداعى تۇر­گەن شات­قالىندا جانە «قا­زاقفيلمنىڭ» پا­ۆيلون­دا­رىندا جۇرگىزىلدى.

بيىل 25-ءشى رەت وتكىزىلىپ جاتقان Fantasia حالىقارالىق كينو­فەستيۆالى – الەمدەگى جانر­­­لىق فيلمدەرگە ارنال­عان بىر­دەن-ءبىر بايقاۋ. اتال­عان كينوفەستيۆال اياسىندا كۆەن­­تين تارانتينو تۇسىر­گەن «ابى­رويسىز شاتا», تي­مۋر بەكمامبەتوۆتىڭ «تۇن­گى شول­عىنشى», سونداي-اق «بەل­گى­لەنگەن ورىن» فران­شي­ز­ا­سىنىڭ ءبىر ءبولىمىنىڭ تۇساۋى كەسىلگەن بولاتىن.

فەستيۆالدىڭ Radical spirit اتتى قىس­قامە­تر­لى فيلم­دەرگە ارنالعان باي­قاۋىنا قازاق­ستاندىق كارتينامەن بىرگە ۇلى­­بريتانيا, مەك­سيكا, اۋس­تراليا, اقش, قى­تاي جانە وڭ­تۇستىك كو­رەيانىڭ تۋىن­دىلارى قاتىسادى.

الماتى