ايماقتار • 30 شىلدە، 2021

ەسىرتكى قىلمىسى «جاسارىپ» تۇر

133 رەت كورسەتىلدى

ەستەن تاندىرار ەسىرتكىگە قارسى كۇرەس پارمەندى جۇر­گىزىلگەنىمەن، ونى ساتۋعا تىرىساتىندار قاتارى ازايار ەمەس. ماسەلەن، وبلىستىق پوليتسيا دەپارتامەنتى ءباسپاسوز قىز­مەتىنىڭ اقپاراتىنا قاراعاندا، ەسىرتكى قىلمىسىنا قارسى ءىس-قيمىل باسقارماسى جەدەل ىزدەستىرۋ كەزىندە بىرنەشە ادامدى ۇستاعان.

– سونىڭ ءبىرى – اتىراۋ قالا­سىنىڭ ءار بولىگىنە ەسىرتكى جاسىردى دەگەن كۇدىكپەن ۇستالعان 27 جاستاعى جىگىت. كۇدىكتىنىڭ ۋا­قىتشا مەكەنجايىن ءتىنتۋ كەزىندە ۇنتاق ءتارىزدى زات، ەسىرتكى دوزالارىن ولشەيتىن ءتۇرلى قۇرالدار تابىلىپ، تاركىلەندى. تەرگەۋدەن سوڭ كۇدىكتى قالا اۋماعىنىڭ ءۇش نۇكتەسىندە ءوزى جاسىرعان 60 دوزانى قۇرايتىن ەسىرتكىنى كورسەتتى. ساراپتاما قورىتىندىسىمەن ەسىرتكى-پيروۆالەرون ەكەنى انىق­تالدى، – دەيدى وبلىستىق پو­ليتسيا دەپارتامەنتىنىڭ باس­تىعى، پوليتسيا پولكوۆنيگى قامزا ۇمبەتقاليەۆ.

ونىڭ ايتۋىنشا، ەسىرتكىنى تاراتۋشىلار قاتارىنداعى تاعى ءبىر جاس جىگىت انىقتالعان. ءالى ەكى مۇشەلگە تولماعان جىگىتتىڭ پاتەرىنەن جالپى سالماعى
1 كيلو سينتەتيكالىق ەسىرتكى زاتى تابىلعان.

– «قاراسورا-2021» جەدەل الدىن الۋ ءىس-شاراسى كەزىندە ورال قالاسىنان كەلىپ، سينتەتيكالىق ەسىرتكى ساتپاق بولعان 1998 جانە 1999 جىلى تۋعان ەكى كۇدىكتى ۇستالدى. ولاردان زيپ پاكەتتەرگە ورالعان سينتەتيكالىق ەسىرتكىنىڭ 46 ءتۇيىرى تابىلدى. كۇدىكتىلەردىڭ جالعا العان پاتەرىنەن ەكى پاكەتكە ورالعان سينتەتيكالىق ەسىرتكى زاتى مەن 100 دانا دايىن بەتبەلگى تاركىلەندى. ناتيجەسىندە، جالپى قۇنى 24 ميلليون تەڭگەگە جۋىق سينتەتيكالىق ەسىرتكىنىڭ ءبىر رەتتىك 2 400 دوزاسى زاڭسىز اينالىمعا جىبەرىلمەدى، – دەيدى
ق.ۇمبەتقاليەۆ.

ال شەكاراشىلار قۇر­مانعازى اۋدانىنداعى سافون اۋىلدىق وكرۋگىنىڭ اۋماعىندا 3 گەكتارعا وسىرىلگەن ەسىرتكى ال­قابىن انىق­تادى. ەسىرتكى ال­قابىندا 50 مىڭ ءتۇپ قاراسورا وسىمدىگى وسىرىلگەن.

– ەسىرتكى وسىمدىگىن وسىرۋگە ءاتۇستى قاراماۋ قاجەت. ويتكەنى 20-35 جاس ارالىعىنداعى جاستاردىڭ ەسىرتكى ونىمدەرىنە قىزىعۋشىلىق تانىتۋى تۇيت­كىلدى ماسەلەگە اينالىپ وتىر. قۇرمانعازى اۋدانىندا ەسىرتكى ونىمدەرىن ساتۋعا قاتىستى 6 قىلمىس تىركەلگەن. سول سەبەپتەن، ەسىرتكى ونىمدەرىن تامىرىمەن جويىپ، كونتراباندالىق قىلمىستاردىڭ الدىن الۋ ماقسا­تىنداعى جۇمىستار جال­عاسا بەرەدى، – دەيدى شەكارا قىز­مەتى اتىراۋ وبلىستىق دەپار­تامەنتىنىڭ ءباسپاسوز حاتشىسى ءومىربات ءايتالى.

 

اتىراۋ وبلىسى

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار