قوعام • 30 شىلدە، 2021

«30 يگى ءىس»

30 رەت كورسەتىلدى

اقمولا وبلىسى «قىزىل ايماقتىڭ» قۇرساۋىنان شىعا الماي وتىر. وسىنداي قىسىلتاياڭ كەزدە ادامداردىڭ ءبىرىن-ءبىرى قولتىعىنان دەمەپ، قامقور بولۋى كوڭىل دەمەيدى.

وڭىردە «يگى ىستەر» مارافونى جالپىۇلتتىق جوباسى اياسىندا مىڭنان استام ءيمانجۇزدى ءىس-شارا جۇزەگە اسىرىلدى. قايىرىمدى جانداردىڭ كومەگىمەن 9500 جالعىزىلىكتى ادامعا كوپ-كورىم الەۋمەتتىك جاردەم جاسالدى. 2600 كوپبالالى جانە الەۋمەتتىك جاعىنان از قامتىلعان وتباسىعا ازىق-ت ۇلىك سەبەتتەرى تاراتىلدى.

جانىڭدى ەلجىرەتەر جانا­شىر­­­لىق­تان جاستار دا شەت قالعان جوق. وبلىستىق جاستار رەسۋرستىق ورتالىعى ەرىكتىلەرمەن بىرلەسە وتىرىپ، وسى جوبا اياسىندا «30 يگى ءىس» اكتسياسىن باستاپ كەتتى. شاراپاتى مول ءىس-شارا تۋرالى قۇلاقتانعان ەل قامىن جەگەن ەرىكتىلەر مەن جو­عارى وقۋ ورنىنىڭ ستۋدەنتتەرى، ەتنومادەني بىرلەستىكتەر وكىلدەرى بار كۇش-جىگەرلەرىن حالىقتىڭ جاعدايىن جاقسارتۋعا جۇمىلدىرۋدا.

وسى ورايدا وتكەن قىستاعى تىڭ­عى­لىقتى ءبىر شارۋانى ايتا كەتۋگە بولادى. سولتۇستىك ءوڭىردىڭ قارى مول. قىستا ەرىكتىلەر 1320 اۋلانى تازارتىپ، 40 تونناعا جۋىق قار شى­عار­دى. بۇل جاي عانا دەرەك بولىپ كورىنگەنىمەن، جاستار وسى ءىسى ارقىلى قانشاما ەگدە ادامنىڭ باتاسىن الىپ، كوڭىلدەرىن دەمدەگەندەرىن اڭعارۋعا بولادى.

«دوبروە سەردتسە Lider.kz» قوعام­دىق قورى ورتتەن زارداپ شەككەن وتبا­سىلارعا كومەكتەسۋ ءۇشىن قور اشىپ، 500 مىڭ تەڭگە كولەمىندە قاراجات جيناپ، ءوز نيەتتەرىن ءبىلدىردى. بۋراباي اۋدانىنىڭ ەرىكتىلەرى ورتتەن زارداپ شەككەن وتباسىلارعا قارجىلاي كومەك كورسەتتى. مەكتەپ وقۋشىلارىنىڭ وقۋ قۇرالدارىن الىپ بەرىپ، قاپ-قاپ ازىق-ت ۇلىك جىبەردى.

وسى ورايدا ساتىمەن ساباقتالعان ۇرپاقتار اراسىنداعى جاناشىرلىق جايلى ايتا كەتۋگە بولار ەدى. جاستار رەسۋرستىق ورتالىعى ومىرشەڭ ونەگەسى مول «اكەلەر وداعى» قوعامدىق بىرلەستىگىمەن بىلەك بىرىكتىرە وتىرىپ، ونداعان وتباسىنىڭ شارۋاسىنا قول ۇشىن بەرىپ، 10 جالعىزباستى اكەگە ازىق-ت ۇلىك سەبەتتەرىن جەتكىزىپ بەردى.

–جىل باسىنان بەرى قازاقستان حالقى اقمولا وبلىستىق اسسامبلەياسىنىڭ قوعامدىق قۇرىلىمدارى «يگى ىستەر» جوباسى اياسىندا 5 مىڭنان استام ادامدى قامتىپ، جالپى سوماسى 60 ميلليون تەڭگە قارجى بولاتىن 180 قايىرىمدىلىق ءىس-شاراسىن وتكىزدى. بۇل ءبىر جاعىنان كومەك قاجەت ەتەتىن وتباسىلارعا دەمەۋ بولسا، ەكىنشى جاعىنان جاس تولقىن ءۇشىن جاقسى ونەگە، – دەيدى وبلىستىق جاستار رەسۋرستىق ورتالىعىنىڭ جەتەكشىسى ءمانسيا ەسەكەەۆا.

ەل قامىن جەگەن ادامداردىڭ نازارىنان جەرگىلىكتى جەردەگى ەكولوگيا ماسەلەسى دە تىس قالعان جوق. جىگەرى مول جاستار اۋىل-ايماقتى كوگال­داندىرىپ، جۇزدەگەن اعاش كوشەت­تەرىن ەكتى.

وسىنداي ەلگەزەك جاستاردىڭ ەڭبەگى ءداۋىردىڭ ديدارىن ادەمى شىرايمەن ايشىقتاپ، حالىقتى توپتاستىرا تۇ­سە­تىنى حاق.

 

اقمولا وبلىسى

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار