پرەزيدەنت • 29 شىلدە، 2021

قاسىم-جومارت توقاەۆ قازاقستان ۇلتتىق پاراليمپيادا قۇراما كومانداسىنىڭ مۇشەلەرىمەن كەزدەستى

160 رەت كورسەتىلدى

مەملەكەت باسشىسى XVI جازعى پاراليمپيادا ويىندارىنىڭ قارساڭىندا ۇلتتىق قۇراما كومانداسىنىڭ مۇشەلەرىمەن كەزدەستى، دەپ جازادى Egemen.kz اقورداعا سىلتەمە جاساپ.

پرەزيدەنت سپورتشىلاردىڭ تاۋەلسىز قازاقستان تاريحىندا العاش رەت پاراليمپيادا ويىندارىنا 25 جولداما ۇتىپ، بايراقتى باسەكەگە ۇلكەن قۇراممەن اتتانىپ بارا جاتقانىن اتاپ ءوتتى. قاسىم-جومارت توقاەۆتىڭ ايتۋىنشا، پاراليمپياداشىلار – قاجىماس قايرات پەن قايسارلىقتىڭ سيمۆولى.

«الەمدەگى ءجۇز مىڭداعان سپورتشىنىڭ اراسىنان ۇزدىك شىعىپ، وسى ويىندارعا جولداما الۋ ەكىنىڭ ءبىرىنىڭ قولىنان كەلە بەرمەيدى. سىزدەر بۇعان تاباندىلىق پەن كاسىبي دايىندىقتىڭ ارقاسىندا قول جەتكىزۋگە بولاتىنىن دالەلدەدىڭىزدەر. دەمەك، ءاربىر پارا سپورتشىمىزدى قازىردىڭ وزىندە جەڭىمپاز دەۋگە بولادى. وزدەرىڭىزدى بارشا وتانداسىمىز ماقتان تۇتادى»، دەدى مەملەكەت باسشىسى.

پرەزيدەنت ەلىمىزدەگى پارا سپورت تۇرىمەن اينالىساتىن ازاماتتارعا مەملەكەت تاراپىنان قولداۋ جالعاسا بەرەتىنىن ايتتى.

«بۇكىل ەلىمىز بويىنشا 20 مىڭعا جۋىق ازامات پارا سپورت تۇرىمەن جۇيەلى تۇردە اينالىسادى. سونىڭ ىشىندە 500 سپورتشى ۇلتتىق قۇراما ساپىندا ونەر كورسەتەدى. ءبىز پاراليمپيادالىق سپورت تۇرلەرىن دامىتۋ ءۇشىن قاجەتتى جاعدايدى جاساي بەرەمىز. قازىر وڭىرلەردە 16 ارنايى كلۋب پەن مەكتەپ جۇمىس ىستەيدى. وسى رەتتە، نۇر-سۇلتان قالاسىندا 2018 جىلى اشىلعان پاراليمپيادالىق جاتتىعۋ ورتالىعىن ەرەكشە اتاپ وتكەن ءجون. زامان تالابىنا ساي جابدىقتالعان مۇنداي ورتالىق اقش، ۇلىبريتانيا، جاپونيا، وڭتۇستىك كورەيا ەلدەرىمەن قاتار ءبىزدىڭ ەلوردامىزدا دا بار. سپورت سالاسى بارلىق ازاماتىمىز ءۇشىن بىردەي قولجەتىمدى بولۋعا ءتيىس. وسى ورايدا مۇمكىندىگى شەكتەۋلى ازاماتتارعا قولايلى ورتا قالىپتاستىرۋ مەملەكەت مىندەتى ەكەنىن باسا ايتقىم كەلەدى»، دەدى قاسىم-جومارت توقاەۆ.

قازاقستان ۇلتتىق پاراليمپيادا قۇراماسى وسىعان دەيىن بۇل ويىنداردان  ەكى التىن جانە ەكى كۇمىس مەدال جەڭىپ العان بولاتىن. بۇل جەتىستىكتەردى سپورتقا دەگەن سۇيىسپەنشىلىك پەن ەرەن ەڭبەكتىڭ ناتيجەسى دەپ باعالاعان مەملەكەت باسشىسى قۇراما كوماندا مۇشەلەرىنە زور سەنىم ارتتى.

پارادزيۋدودان ازيا چەمپيونى، الەم كۋبوگىنىڭ يەگەرى تەمىرجان داۋلەت مەملەكەتتىڭ ءتيىستى قولداۋ كورسەتكەنى ءۇشىن قازاقستان پرەزيدەنتىنە ۇلتتىق قۇراماداعى سپورتشىلار اتىنان العىس ايتتى.

«بيىل – قازاقستان رەسپۋبليكاسىنىڭ تاۋەلسىزدىگىنە 30 جىل. مەن تاۋەلسىزدىكتىڭ قۇرداسىمىن. ازات ەلدە تۋىپ-وسكەن مەن سياقتى جاستاردىڭ ارمان-ماقساتى – كوك بايراعىمىزدى بيىكتە جەلبىرەتۋ. باپكەرلەرىمىز جان-جاقتى دايىندالۋىمىزعا زور ەڭبەك ءسىڭىردى. توكيودا بار كۇش-جىگەرىمىزدى سالامىز»، دەدى سپورتشى.

پاراتاەكۆوندودان ەكى دۇركىن الەم چەمپيونى نۇرلان دومباەۆ سپورتشىلاردىڭ جاتتىعۋىنا جاقسى مۇمكىندىك جاسالعانىن ايتتى.

«پاراسپورتشىلاردىڭ تۇراقتى تۇردە وقۋ-جاتتىعۋ جيىندارىن وتكىزۋىنە جاعداي جاسالدى. ءوزىم قازاقستاننىڭ ءۇش قالاسىندا دايىندالدىم. قاتارىمىزدا شەتەلدە جاتتىققاندار دا بار. سونىڭ ناتيجەسىندە ريوعا ون سپورتشى عانا بارسا، بيىل قاتارىمىز ەكى ەسەدەن استى. پاراتاەكۆوندو پاراليمپيادا ويىندارىنا العاش رەت ەنگىزىلىپ وتىر. ۇلتىمىزدى ۇيىستىرىپ، حالقىمىزعا جىگەر بەرەتىن جەڭىسكە جەتۋ – باستى ماقساتىمىز»، دەدى نۇرلان دومباەۆ.

ۇلتتىق پاراليمپيادا كوميتەتىنىڭ پرەزيدەنتى قايرات بورانباەۆ پەن ۇلتتىق قۇرامانىڭ پاۋەرليفتينگ بويىنشا باس باپكەرى ارتۋر توميتسكي سپورتشىلاردىڭ دايىندىعى تۋرالى مالىمەت بەردى. 

جيىن سوڭىندا مەملەكەت باسشىسى سپورتشىلارىمىزدىڭ ونەرىن بۇكىل حالقىمىز تاماشالاپ، جانكۇيەر بولاتىنىن ايتتى. سونداي-اق ولاردىڭ جەڭىسى تاۋەلسىزدىگىمىزدىڭ 30 جىلدىعىنا تاماشا تارتۋ بولاتىنىن اتاپ ءوتىپ، ۇلت نامىسى سىنعا تۇسەتىن سايىستا ساتتىلىك تىلەدى.

1

 2346

سوڭعى جاڭالىقتار

مارافون نەسىمەن ماڭىزدى؟

الەم • 26 قىركۇيەك، 2021

تاعدىرى تەمىردەي شىڭداعان قايراتكەر

قازاقستان • 26 قىركۇيەك، 2021

شەكتەۋدە شيرىققان شاعىن بيزنەس

بيزنەس • 26 قىركۇيەك، 2021

پياندج وزەنىندەگى ەرلىك

تاريح • 26 قىركۇيەك، 2021

ەڭبەكپەن ەسەيگەن ەر

قازاقستان • 26 قىركۇيەك، 2021

بەيتانىس ساعىنىش

الەم • 26 قىركۇيەك، 2021

Astana Open ءتۋرنيرى اياقتالدى

سپورت • 26 قىركۇيەك، 2021

شەكاراشىلار ەليتالىق اسكەر بولسا...

قازاقستان • 26 قىركۇيەك، 2021

ۇلىبريتانيادا تانىستىرىلادى

وقيعا • 26 قىركۇيەك، 2021

وبلىس ورتالىعىنىڭ دەنى اۋىز سۋسىز وتىر

ايماقتار • 26 قىركۇيەك، 2021

مۇراعاتتاردىڭ ءحالى مۇشكىل

قوعام • 26 قىركۇيەك، 2021

نۇر-سۇلتان اۋەجايىندا ءتۇتىن شىقتى

ەلوردا • 26 قىركۇيەك، 2021

جالعىزدىق ارالى

كينو • 26 قىركۇيەك، 2021

تەننيس: Astana Open ءتۋرنيرى اياقتالدى

سپورت • 26 قىركۇيەك، 2021

ەلوردادا قار جاۋادى

قازاقستان • 26 قىركۇيەك، 2021

بالالار الاڭىنداعى تج: بالا ەسىن جيدى

ايماقتار • 26 قىركۇيەك، 2021

قاراعاندى-بالقاش تاس جولى جوندەلۋدە

ايماقتار • 26 قىركۇيەك، 2021

الماتىدا كىتاپ فەستيۆالى ءوتىپ جاتىر

ايماقتار • 26 قىركۇيەك، 2021

ماسكەۋدە جەتى جۇلدە الدىق

سپورت • 26 قىركۇيەك، 2021

ەلوردادا Astana Marathon-2021 ءوتىپ جاتىر

ەلوردا • 26 قىركۇيەك، 2021

بۇگىن ماشينا جاساۋ كۇنى

قازاقستان • 26 قىركۇيەك، 2021

قىزىلوردا وبلىسى «جاسىل» ايماققا ءوتتى

كوروناۆيرۋس • 26 قىركۇيەك، 2021

قانشا قازاقستاندىق ۆاكتسينا سالدىردى؟

كوروناۆيرۋس • 26 قىركۇيەك، 2021

قازاقستاندا ەڭبەك كۇنى اتاپ وتىلەدى

قازاقستان • 26 قىركۇيەك، 2021

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار