COVID-19 ۆيرۋسىنىڭ كەزەكتى ءتورتىنشى تولقىنى تامىز ايىنىڭ ورتاسىنا, قىركۇيەكتىڭ باسىندا باستالادى دەپ كۇتىلۋدە.
جانداربەك بەكشيننىڭ ايتۋىنشا, ۆاكتسينا ىندەتتىڭ كۇردەلى كەزەڭىنەن وتۋگە كومەكتەسەدى.
«سوڭعى اپتادا كوروناۆيرۋسقا قاتىستى ەپيدەميولوگيالىق احۋال ۋشىعىپ كەتتى. وتكەن اپتانى الدىڭعىمەن سالىستىرعاندا كۆي جاعدايىنىڭ تىركەلۋى 1,4 ەسەگە – 5 790-نان 8 393 جاعدايعا دەيىن ءوستى, تاۋلىكتىك ءوسىم - 1,5%. 23 شىلدەدەن باستاپ كۆي-ءدىڭ كۇندەلىكتى تىركەۋى 1 مىڭنان استى جانە قازىردىڭ وزىندە 1 450-ءدى قۇرايدى. وسى ايدا الماتىدا 20 818 ناۋقاس انىقتالدى, ال جىل باسىنان بەرى 76 603 ناۋقاس تىركەلدى», دەدى مەگاپوليستىڭ باس سانيتار دارىگەرى.
ونىڭ ايتۋىنشا, شىلدەدەگى ەپيدەميولوگيالىق جاعدايدىڭ ناقتى بولجامى - 27,5 مىڭ, ال ءىس جۇزىندە 2 مىڭ جاعدايدى قۇرايدى.
«الماتىدا COVID-19 كەزەكتى ءتورتىنشى تولقىنى تامىز ايىنىڭ ورتاسىندا باستالىپ, قىركۇيەكتىڭ باسىندا تومەندەيدى دەپ كۇتىلىپ وتىر. تامىز ايىندا - 34,5 مىڭ جاعداي, قىركۇيەكتە - 4,5 مىڭ جاعداي بولادى دەپ بولجانعان. 7 كۇن ىشىندە سيمپتومدى ناۋقاستاردىڭ ۇلەسىنىڭ ارتۋى 89,4-تەن 90,7%-عا دەيىن جالعاستى, بۇل سOVID-19 دەلتا نۇسقاسىنىڭ تەز تارالعانىن كورسەتەدى», دەدى الماتىنىڭ باس سانيتار دارىگەرى.
