ايتۋلى جارىس 1975 جىلدان بەرى ۇزدىكسىز ۇيىمداستىرىلىپ كەلەدى. سول ارالىقتا 20 مارتە جالاۋى جەلبىرەگەن ءدۇبىرلى دودادا قىتاي قۇراماسى ەڭ كەرەمەت ناتيجە كورسەتتى. اسپاناستى ەلىنىڭ ارۋلارى 13 مارتە جەڭىس تۇعىرىنىڭ ەڭ بيىك ساتىسىنا كوتەرىلدى. باس جۇلدەنىڭ بەسەۋىن جاپونيا ءوز قورجىنىنا سالدى. تاعى ەكى رەت تايلاند ۆولەيبولشىلارىنىڭ باعى جاندى. قازاقستاننىڭ ۆولەيبولشىلارى ءبىر مارتە عانا جۇلدەگەرلەر قاتارىنان كورىنە الدى. 2005 جىلى تايتسان قالاسىندا وتكەن بىرىنشىلىكتە جەرلەستەرىمىز كۇمىس مەدالدى يەلەنگەن ەدى.
بيىلعى ازيا چەمپيوناتىندا جەرلەستەرىمىز ا توبىندا ونەر كورسەتەدى. باستاپقى كەزەڭدەگى ءبىزدىڭ قارسىلاستارىمىز – وزبەكستان, تايپەي جانە فيليپپين قۇرامالارى. ال ۆ توبىندا وڭتۇستىك كورەيا, يران جانە اۋستراليانىڭ ارۋلارى شەبەرلىك بايقاسادى.
