ساياسات • 29 شىلدە، 2021

نۇروتاندىقتاردىڭ ايقىن جەڭىسى

41 رەت كورسەتىلدى

مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان ساياسي رەفورمالار اياسىندا وتكەن اۋداندىق ماڭىزى بار قالالار، اۋىلدار، كەنتتەر مەن اۋىلدىق وكرۋگتەر اكىمدەرىنىڭ العاشقى تىكەلەي سايلاۋىنىڭ قورىتىندىسى بويىنشا Nur Otan پارتياسىنىڭ كانديداتتارى جانە ءوزىن ءوزى ۇسىنۋشى پارتيا مۇشەلەرى وكرۋگتەردىڭ 86 پايىزدان استامىندا جەڭىسكە جەتتى.

وبلىستىق سايلاۋ كوميسسيا­لارى جاريالاعان مالىمەتتەر بويىنشا، Nur Otan پارتياسىنىڭ مۇشەلەرى بولىپ سانالاتىن 627 كانديدات اكىم بولىپ سايلاندى، ونىڭ 65-ءى – ءوزىن ءوزى ۇسىنعان نۇروتاندىقتار.

پارتيانىڭ ءباسپاسوز قىز­مەتى حابارلاعانداي، ۇگىت-ناسي­حات كەزە­ڭىندە Nur Otan كاندي­داتتارى 1،2 ملن سايلاۋشى­نى قامتىعان 45 مىڭنان اس­تام كەزدەسۋ مەن ءىس-شارا وت­كىز­گەن. ولاردىڭ ۇشتەن ءبىر بولى­گى ونلاين فورماتتا بولسا، قالعان­دارى سانيتارلىق تالاپتاردى ساقتاي وتىرىپ جۇزەگە اسى­رىل­عان. سايلاۋالدى ۇگىت ناۋ­قا­نى با­رىسىندا پارتيانىڭ قو­عام­­دىق قابىلداۋ بولمەلەرىنە 1،5 مىڭ ءوتىنىش كەلىپ ءتۇسىپ، ولار جەر­­گىلىكتى جەرلەردە جەدەل شەشىلگەن.

جەڭىسكە جەتكەن نۇروتاندىق­تاردىڭ 35 پايىزدان استامى – جاڭا سايلانعاندار. ولاردىڭ اراسىندا ءبىلىم بەرۋ سالاسىنىڭ وكىلدەرى، كاسىپكەرلەر، فەرمەرلەر بار. سايلانعان اكىمدەردىڭ 65 پايىزى – وسى قىزمەتتى ابى­روي­مەن اتقارىپ، حالىق قاي­تا­دان سەنىم كورسەتكەن تۇلعا­لار. كانديداتتاردىڭ ورتاشا جاسى – 46 جاستى قۇرادى. ايەل­دەر­دىڭ ۇلەسى – 11،5 پايىز. 35 جاسقا دەيىنگى جاستار – 14،2 پايىز. جەڭىسكە جەتكەن نۇروتان­دىق­تار­دىڭ كوپشىلىگى – باستاۋىش پارتيا ۇيىمدارىنىڭ توراعا­لارى جانە تاياۋدا وتكەن پارتيا­ىشىلىك پرايمەريزگە قاتىسۋشىلار.

بارلىق كانديدات بۇعان دەيىن پارتيانىڭ ساياسي مەنەدج­مەنت مەكتەبى بازاسىندا سەمي­نارلاردان ءوتىپ، قاجەتتى ۇيىم­داستىرۋشىلىق، ادىستەمە­لىك جانە باسقا دا قولداۋمەن قام­تا­ماسىز ەتىلگەن. ارقاي­سىسى­نىڭ ءتيىستى اۋماقتىڭ مۇمكىن­دىگىن ەسكەرە وتىرىپ، پار­تيانىڭ قولداۋى ارقىلى قاجەتتى رەسۋرس­تارمەن قامتاماسىز ەتىلگەن سايلاۋالدى باعدارلاماسى بولدى. بۇل ولاردىڭ ءسوزى مەن ءىسىنىڭ الشاقتىعىن بولدىرماۋعا مۇمكىندىك بەرەدى.

«پارتيامىزدىڭ ليدەرى نۇرسۇلتان نازارباەۆ ايتقان­داي، نۇروتاندىقتاردىڭ باستى قاعي­داتتارى – جاۋاپكەرشىلىك، كوماندالىق رۋح، پارتيا يدەال­دارى مەن قۇندىلىقتارىنا بەرىكتىك. Nur Otan-نىڭ مىندەتى – تەك سايلاۋدا جەڭىسكە جەتۋ عانا ەمەس، اۋىلداردىڭ دامۋى­نا جۇيەلى جاعداي جاساۋ، ازامات­تاردىڭ ناقتى ماسەلەلەرىن شەشۋ. پارتيا ءوز كانديداتتارىن ۇسىنا وتىرىپ، ءبىرىنشى بۋىن اكىمدەردىڭ ەل پرەزيدەنتى قاسىم-جومارت توقاەۆ ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسى اياسىندا حالىقپەن ءوزارا ارەكەتتەستىكتىڭ جاڭا مادەنيەتىن قالىپتاستىرا وتىرىپ، زاماناۋي تاسىلدەردى ەنگىزۋ ۇستىندە»، دەپ اتاپ ايتتى پارتيا توراعاسىنىڭ ءبىرىنشى ورىنباسارى باۋىرجان بايبەك Facebook-تەگى پاراقشاسىندا.

سوڭعى جاڭالىقتار

ۇقساس جاڭالىقتار