ايماقتار • 28 شىلدە، 2021

تۋريست سالىعى: جاعداي تالاپقا ساي ما؟

166 رەت كورسەتىلدى

قازىر كەلسەڭىزدەر، باياناۋىلدا تۋريستىك ماۋسىمنىڭ ناعىز قىزعان شاعى. دەمالىس ورىندارى تۇگەل تۋريستەردى قابىلداۋدا. پاندەميانىڭ «پايداسى» وسى ىشكى تۋريزم اجەپتاۋىر سەرپىلىپ قالدى دەۋگە بولادى. قازاقستاننىڭ قاي تۇسىندا بولسىن، تۋريستەر ءۇشىن كورىكتى جەرلەر جەتەرلىك.

زاڭ جۇزىندەگى باستامالار ناتيجەلى بولسا يگى

الايدا سونداي تاماشا اي­ماق­­تاردىڭ ماقتاۋىن اسىرىپ، دەمالۋشىلارعا تولتىرا­تىن تۋريستىك فيرمالاردىڭ بايان­اۋىلدى ەلەمەي جاتاتىنى باي­قالادى. البەتتە، مۇندا سۇرا­نىسقا سەرۆيس ساپاسىنىڭ دا ساي بولۋى كەرەك ەكەنىن تۇسىنەمىز. ونىڭ ۇستىنە جاڭا زاڭ جوباسى بويىنشا ايماقتىق تۋريستىك الەۋەتتى ىلگەرىلەتۋ ماقساتىندا شەتەلدىك تۋريستەر ءۇشىن تۋريس­تىك سالىق ەنگىزۋ ماسەلەسى قاراس­تىرىلىپ جاتىر.

جىل سايىن جازدىڭ ىستى­عىندا باياناۋىلعا ءبىر بارىپ قايتامىز. بيىل دا جاسىباي كولىنىڭ سۋىنا شومىلىپ، قۇمدى جاعالاۋىن بالا كەزىمىزدەگىدەي جالاڭاياق ءجۇرىپ وتۋگە دە ۋاقىت تاپ­تىق. بۇل جەردە اۋدان اكىم­دىگى دە كولدەردىڭ جاعا­لاۋىن دەمالۋ­شىلارعا لايىقتى دا­يىن­­داپ، جول، ەلەكتر، سۋ جەت­كىزۋ­دەگى بىرقاتار جوبانى جال­عاس­تىرۋدا. تۋريستەر مەن دەمالۋشىلار جاسىباي كولى جاعاسىندا اۋداندىق مۋزەي قىزمەتكەرلەرى ۇيىمداستىرعان ەكسپوناتتار كورمەسىمەن تانىسۋدا. كورمەدە قانىش سات­باەۆتىڭ، ءماشھۇر ءجۇسىپتىڭ جانە سۇلتانماحمۇد تورايعىروۆتىڭ مەمو­ريال­دىق مۋزەيلەرى تۋرالى ارنايى جاسال­عان بۋكلەتتەر مەن ەمبلەمالى بەيس­بولكالار تاراتىلدى.

ال ولكەتانۋشى التىنبەك قۇر­مانوۆ دەمالۋشىلارعا بايان­اۋىل جەرىنىڭ تاريحىن بايان­داپ، ولكەمىزدەگى تۋريستىك مار­ش­رۋت­تارمەن تانىستىرادى. قول­ونەر شەبەرلەرى ماق­سۇت­بەك كوپ­جاساروۆ، نۇر­جان جەت­پىس­باەۆ، ايبەك مولدا­بەكوۆ­تىڭ قول­ونەر بۇيىمدارى دا كورمە­دەن ورىن العان. جەر­گىلىكتى «بەۋ، جىگىتتەر!» حالىق ءانسامبلى كورەر­مەن­دەرگە اسەرلى ءان سالىپ بەرەدى.

اۋداندىق دەنەشىنىقتىرۋ، سپورت جانە تۋريزم ءبولىمى­نىڭ باسشىسى زەينوللا ءتالىپوۆ­تىڭ ايتۋىنشا، تۋريستىك ايماق­تاعى 27 دەمالىس ورنى مەن 14 قوعامدىق تاماقتانۋ ورنىنا POS-تەرمينالدار ورناتىلعان. پارك اۋماعىنداعى باقىلاۋ-وت­كىزۋ پۋنكتىندە دە اقشاسىز ەسەپ جاسالادى. سونداي-اق 35 دەمالىس ءۇيى، 14 ءدامحانا مەن 7 ساۋدا نۇكتەسى سانيتارلىق نورمالارعا ساي ەكەنى تۋرالى اكت الدى. تۋريستەردى قابىلدايتىن 21 نىسان اshyq جۇيەسىنە قوسىلعان.

باياناۋىل ايماعىندا تۋريس­تەرگە ارنالعان 4 مىڭنان اسا توسەكتىك ورىن بار. ءبىر ادامعا ار­نالعان بولمە باعاسى – 5 مىڭ تەڭگە. ينفراقۇرىلىممەن قام­تى­لۋى، قىزمەت كورسەتۋ ساپاسى­نا قاراي ءبىر تاۋلىككە جالعا الۋ قۇنى 50 مىڭ تەڭگەگە دەيىن جەتەدى.

اۋداندىق كوميسسيا جاسىباي دەما­لىس ايماعى اۋماعىندا تۋريس­تىك سالا نىساندارىنىڭ ساني­تار­لىق-گيگيەنالىق، سانيتارلىق-ەپي­دەميالىق نورمالارى مەن تالاپتارىن وتكىزۋ جانە ساقتاۋ ءۇشىن ارەكەت ەتۋ باعىتتارىن ازىرلەگەن. سونداي-اق دەمالىس ۇيلەرىنە كەلەتىن دەمالۋشىلار تۋرالى اقپاراتتار ارنايى سايت ارقىلى باياناۋىل ۇلتتىق تابيعي پاركىنىڭ باقىلاۋ-وتكىزۋ پۋنك­تىنە جىبەرىلەدى.

تاعى ءبىر جاقسى جاعى، اۋداندىق پوليتسيا ءبولىمىنىڭ جانىنان قۇرىل­عان «تۋريستىك پوليتسيا» 2019 جىلدان باستاپ جۇمىس ىستەپ جاتىر. اۋدان­دىق پوليتسيا ءبولىمىنىڭ 15، وب­لىس ورتالىعىنان كەلگەن 5 پوليتسيا قىزمەتكەرى باياناۋىلدىڭ حالىقارالىق ءيميدجىن تانىستىرۋ، تۋريستىك قىزىعۋشىلىعىن ارتتىرۋ ماقساتىندا قىزمەت ەتۋدە. پوليتسيا قىزمەتكەرلەرى اعىلشىن، نەمىس، قىتاي تىلدەرىن مەڭگەرگەن.

وبلىس ور­­تالىعىنداعى توراي­­عىروۆ ۋني­ۆەر­سيتەتىنىڭ ستۋ­­­دەنتى، نيگەريا ازاماتى سالاكو­ ابراام ءوڭىر تاريحىمەن تانىس­تىر­عان «تۋريستىك پوليتسيا» قىزمەت­كەر­لەرىنە العىس ءبىلدىردى. ول پوليتسيا وكىلدەرىمەن بىرگە تاۋعا شىعىپ، قا­سيەتتى جەرلەرگە ساياحات جاساعان، سۇلۋ تابيعات كەرەمەتتەرى ورتاسىندا ءتۇرلى سۋرەتتەرگە تۇسكەن.

ەندى الداعى ۋاقىتتا ەلىمىزگە كەلەتىن شەتەلدىكتەرگە تۋريست سا­­لىعى سالىنادى. بۇل ماسەلە پار­­لامەنتتە قارالدى. زاڭ جوباسىن­دا تۋريستىك الەۋەتى جوعارى اۋماق­تاردا نىساندار سالاتىن كاسىپ­كەر­لەر ءۇشىن ينۆەستيتسيالىق جەڭىل­دىكتەر قاراستىرىلادى. ياعني ينۆەس­تيتسيالىق جەڭىلدىكتەر، تۋريس­تىك قىزمەتتى ىنتالاندىرۋ، سىرتتان تۋريستەر اكەلەتىن تۋروپەراتورلاردىڭ شىعىندارىن سۋبسيديالاۋ سياقتى باسىمدىقتار دا بار. ەكىنشىدەن، الەمدىك تاجىريبەنى ەسكەرە وتىرىپ جانە جەرگىلىكتى بيۋدجەتكە قوسىمشا تابىس كوزدەرىن تابۋ ءۇشىن ىشكى جانە سىرتقى نارىقتاردا ايماقتىق تۋريستىك الەۋەتتى ىلگەرىلەتۋ ماقسا­تىندا شەتەلدىكتەرگە تۋريستىك سا­لىق ەنگىزۋ جانە وسى سالىق بويىنشا وپەراتورلاردى انىقتاۋ جوسپارلانۋدا. سالىق مولشەرىن جەرگىلىكتى ءماسليحاتتار، ال تولەم ءتارتىبىن ۇكى­مەت بەكىتەدى.

وڭىرلىك تۋريزم باسقارماسىنىڭ مالىمەتىنشە، جاسىباي دەمالىس ايماعىندا كول جاعالاي ورىن تەپكەن دەمالىس ۇيلەرىنىڭ يەلەرى دە «ەرەكشە قورعالاتىن تابيعي اۋماق­تى» ماقساتتى پايدالانعانى ءۇشىن مەم­لەكەتكە ءتيىستى مولشەردە سالىق تولەيدى. كول ماڭىنداعى «قازاقستان ءاليۋمينيى» اق-تىڭ «كريستالل» دەمالىس ءۇيى، اقسۋ فەرروقورىتپا زاۋىتىنىڭ، ەكىباستۇزداعى «بوگا­تىر» كە­نى­شىنىڭ دەمالىس ۇيلەرى حالىق­ارالىق تالاپتارعا ساي.

جەرگىلىكتى بيولوگ، عالىم قا­نات­بەك التاەۆتىڭ ايتۋىنشا، بايان­اۋىلعا كەلەتىن ءوزىمىزدىڭ تۋريس­تەردى دە جاسىباي، تورايعىر، سا­بىندىكول جاعالاۋىنا جەكە-جەكە ءبولىپ، ءۇش جەرگە ورنالاستىرعان ءجون. بىراق بۇل جەرلەردە سۋ مەن كارىز جۇيەلەرى، ينفراقۇرىلىمى جاسالماي، كولدەردىڭ، دەمالىس اۋما­عىنىڭ تازالىعى ساقتالمايدى. دارەتحانا تاپپاي جۇگىرىپ جۇرسە شەتەلدىكتەردەن دە ۇيات. «سوندىقتان ۇلتتىق پارك اۋماعىنا قاراستى دە­مالىس ايماقتارىن تۋريستىك تۇر­عىدان پايدالانۋ، دەمالىس ۇيلەرىنىڭ قىزمەتى ەلىمىزدەگى زاڭ­نامالار بارىسىندا رەتتەلۋى قا­جەت. زاڭ تالاپتارىن ورىنداماي دەمالىس ايماعىنان جەردى جال­عا الىپ، ءوز كاسىبىن جاساۋشى­لار تابيعاتقا زيان كەلتىرەدى. جاسى­باي كولى جاعاسىنداعى جەكەمەن­شىك دەمالىس ۇيلەرىنەن، كافەلەر­دەن شىعاتىن قالدىق سۋ كولگە قۇيىلۋدا. تابيعات قورعاۋ شارالا­رىنىڭ جەتكىلىكسىزدىگى، زاماناۋي ينفراقۇرىلىمداردىڭ بولماۋى، ماڭايىندا ورنالاسقان اۋىلداردا كارىز جۇيەلەرىنىڭ سالىنباۋى تابيعاتقا زيان»، دەيدى عالىم.

ۇلتتىق پاركتەردە ەكو-تۋريزم، مەديتسينالىق، تاريحي-تانىمدىق تۋريزم باعىتتارىنا ارنايى ين­فرا­قۇ­رىلىمدىق باعدارلامالار قا­­جەت. باياناۋىل – ايرىقشا قور­عا­لاتىن رەكرەاتسيالىق ايماق بول­­­­عان­دىقتان، قورشاعان ورتانى قورعاۋ مىندەت دەگەن ءسوز. وسى قا­بىلداناتىن باعدارلامالار ارقىلى باياناۋىلداعى جىل سايىن­ ايتىلاتىن تورايعىر كولى، سابىن­دى­كول اۋماعىن ىسكە قوسۋ قاجەت. جوبا جۇزەگە اسسا، جاسىباي كولى اۋماعىنا تۇسەتىن تۋريستىك الەۋەتتىڭ سالماعى ازايادى.

«ال ۇلتتىق پاركتىڭ اۋماعى 60 مىڭ گا بولسا، سونىڭ 14 مىڭ گا ج­ە­رىنە تۋريستەرگە كەلۋگە رۇقسات بەرىلگەن. زاڭدىلىق بويىنشا جازعى دەمالىس 3 اي ۋاقىت ىشىندە 14 مىڭ گا جەرگە دەمالۋعا 35-40 مىڭداي تۋريست كەلۋى ءتيىس. قازىر جاسىباي اۋماعىندا ەكى-ءۇش ەسە كوپ، 150-200 مىڭ تۋريست دەمالادى. بۇل جاعداي تابيعاتقا انتروپوگەندىك اسەرىن تيگىزۋدە. كولدىڭ سۋىنىڭ لايلانۋى دەمالۋشىلاردان كەلگەن زالال دەر ەدىم»، دەيدى تۋريزم سالاسىنىڭ ارداگەرى جۇماگەلدى دۇيسەكەەۆ.

زاڭناما جۇزىندە تۋريستىك نور­ماتيۆتىك-قۇقىقتىق اكتىلەر بول­ما­عاندىقتان، دەمالۋ ەرە­جە­لەرىن بۇزۋ ورىن الۋدا. ونى ءوزىمىز دە بارعاندا كورىپ قالدىق. ءتىپتى كەيبىر جەرگىلىكتى دەمالۋشىلاردىڭ كوبى شاتىر-كۇركەلەرىن، كيىز ۇيلەرىن، تۇرمىستىق زاتتارىن، ازىق-ت ۇلىك­تەرىنە دەيىن تيەپ الىپ كەلەدى. كولىك­تەرىنە تۇنەيدى. كول جاعا­سىندا ساماۋرىن قويىپ تۇتىندەتىپ، تىپ­تەن قازانعا ەت اسقىسى كەلەتىندەر دە بار ەكەن.

 

تۋريستىك فيرمالار باياناۋىلدى نەگە ەلەمەي وتىر؟

بىلتىر ەلىمىزدىڭ ۇزدىك 10 تۋريس­تىك ءوڭىرى قاتارىنداعى باياناۋىل­ تۋريستىك ايماعىندا 2025 جىل­عا دەيىنگى ارنايى باعدارلاما قابىل­دانعانى بەلگىلى. وبلىستىق تۋريزم جانە سپورت باسقارماسىنىڭ مالى­مەتىنشە، ەندى باعدارلاما با­رى­سىندا قۇنى 17 ملرد تەڭگە تۇرا­تىن 32 جوبا ىسكە اسىرىلماق ەكەن. «باياناۋىلداعى ءتۋريزمدى دامىتۋ تۇجى­رىمداماسىنىڭ» جوباسىن­ تورايعىروۆ ۋنيۆەرسيتەتىنىڭ عا­لىم­­دارى مەن وبلىستىق ءتۋريزمدى دامىتۋ باسقارماسى بىرلەسىپ دا­يىن­­داعان.

«جوبا بويىنشا بىلتىر 503،7 ملن تەڭگەگە اۋدانداعى قوسىمشا ستان­سادان جاسىباي كولىنىڭ جاعا­لا­ۋىنا دەيىن قۋاتتىلىعى 35 كۆت ەلەكتر جەلىسى تارتىلدى. توراي­عىر اۋىلىنا كىرەبەرىس جول جون­دەل­دى. ەندىگى ءبىر اۋقىمدى جوبا – جا­سىباي كولىنىڭ اۋماعىنا ورتا­لىق­تاندىرىلعان سۋ جەلىسىن جۇرگىزۋ جۇ­مىستارى باستالادى»، دەيدى باس­­­قار­مانىڭ ءبولىم باسشىسى س.نۇر­ماعامبەتوۆا.

سونىمەن قاتار بيىل تۋريستىك ماۋسىم اياقتالعان سوڭ جاسىباي كولى جاعالاۋىنا جەتكىزەتىن سەرىپ­پەلى-سەرپانتين جولى دا جوندە­لەدى. كاسىبي سپورتشىلار مەن دەمالۋ­شىلاردىڭ سپورتپەن شۇعىلدانۋى ءۇشىن شاڭعى-روللەرلىك تراسسا سالىنادى.

تورايعىروۆ ۋنيۆەرسيتەتىنىڭ گەوگرافيا جانە تۋريزم كافە­درا­سىنىڭ پروفەسسورى عالىمبەك اجاەۆ­تىڭ ايتۋىنشا، جوبا بارىسىندا اۋدان­دار مەن قالالارداعى ءتۋريزمنىڭ ينفراقۇرىلىم دەڭگەيى بويىنشا ەمدەۋ-ساۋىقتىرۋ ءتۋريزمى، ساكرالدى تۋريزم جانە وندىرىستىك ءتۋريزمدى دامىتۋعا ساراپتاما جاسالدى. قازىر تۋريزم باعىتتارى كورسەتىلگەن تۋريستىك-رەكرەاتسيالىق رەسۋرستار كارتاسى جانە تارتىمدى جەرلەردى اۋماقتارعا بولگەن كارتا جاسالدى. جانە دە TravelPvl ارنايى تۋريستىك ءموبيلدى قو­سىم­شاسى ازىرلەندى. تۋريزم سالا­سى قىزمەتكەرلەرىن وقى­تۋ كۋرستا­رى­نىڭ باعدارلامالارى دايىندالدى. كۋرستى ۋنيۆەرسيتەت وقىتۋشىلارى تۇراقتى تۇردە وقى­تادى. بىراق كاسىپ­كەرلەر دەمالىس ورىن­دارىن­دا جاسالعان جاعدايلار تۋرالى جاعىمدى اقپاراتتاردى اتال­عان ءموبيلدى قوسىمشاعا ءالى جۇكتە­مەگەنى وكىنىشتى.

«جاسىبايداعى سياقتى توراي­عىر، سابىندىكول كولدەرىندە، مىر­زاشوقى تاۋ كۋرورتىندا دەمالىس ۇيلەرىن سالۋ قاجەت. مىسالى، تورايعىر كولىنىڭ جاعالاۋىندا ەتنواۋىل قۇرىپ، كۆادروتسيكل مەن اتقا ءمىنۋ الاڭىن، الپينيستەر ءۇشىن جالتىر قۇزعا ورمەلەۋ، بالىق اۋلاۋ ورىندارىن اشۋعا بولادى. ءبىزدىڭ ستۋدەنتتەر قۇراستىرعان ۇي­لەردى ەلدەگى تۋريستىك ورىندارعا تاراتۋ كەرەك دەپ ويلايمىن. ستۋدەنت­تەر سيپ-پانەلدەردەن ۇيلەردى قۇراس­تىرۋدا. اۋماعى 27 شارشى مەتردى قۇرايتىن ۇيلەردى دەمالىس ورىندارىنا الىپ بارۋ وتە قولايلى»، دەيدى پروفەسسور ع.اجاەۆ.

عالىمدار مەن باسقارمانىڭ بىرلەسكەن جوباسىندا اققۋلى
اۋدانى تۇزقالادا باتپاقپەن ەمدەۋ ساناتورياسىن اشۋ، شارباقتى اۋدانى مارالدى كولىنىڭ ينفراقۇرى­لىمىن جەتىلدىرۋ، قالالار مەن
اۋدانداردا جاعالاۋلار اشىپ، ولاردى اباتتاندىرۋ ۇسىنىلعان.

سونداي-اق جوبادا وڭىردەگى تۋ­ريس­­تىك نىسانداردىڭ ءتىزىمى جاسالىپ، تابيعي-رەكرەاتسيالىق، مادەني-تاريحي، ينفراقۇرىلىمدىق جۇيە­سىنە ساي بىرىكتىرىلدى. قازىر وبلىس­تا 29 تابيعي-رەكرەاتسيالىق، 130 مادەني-تاريحي، 270 ينفراقۇرى­لىم­­دىق نىسان تىركەلىپ، جىل سايىن تولىقتىرىلادى.

تاعى ءبىر ماسەلە، بۇعان دەيىن باياناۋىلداعى دەمالىس ۇيلەرى ءوڭىردىڭ تۋريستىك فيرمالارىمەن بىرلەسە جۇمىس ىستەمەيتىنى ايتىلدى. وبلىستىڭ تۋريستىك فيرمالارى الاكول، بالقاش، اقتاۋ، كاسپي تەڭىزى جاعالاۋى، الماتى وبلىسىمەن تىعىز بايلانىستا بولعانىمەن، باياناۋىل دەمالىس ايماعىنا نازار اۋدارمايتىنى بايقالعان. سون­­دىقتان جەرگىلىكتى تۋريستىك ۇيىم­­­دار قاۋىمداستىعى وبلىستىق اكىم­دىكتەرگە وسىنداي جايت بارىن ەسكەرتكەن-ءدى. باياناۋىل كۋرورتتىق ايماعىنىڭ دەمالىس ۇيلەرى ءوڭىردىڭ تۋرفيرمالارىمەن كوميسسيالىق سىياقىمەن جۇمىس ىستەمەي-اق، جولدامالاردى تىكەلەي ساتقىسى كەلەدى ەكەن. مىسالى، تۋريستەرگە ەكسكۋر­سيالاردى كەز كەلگەن مۇعالىم، ەم­دەۋشى اپالار جۇرگىزەدى، كەسەنەلەر باسىنا اپارادى.

ال جەرگىلىكتى تۋريستىك ۇيىمدار قاۋىمداستىعى وبلىستىق اكىمدىككە ءوڭىرىمىزدىڭ ەرەكشەلىگىنە وراي ونەركاسىپتىك ءتۋريزمدى، اگروتۋريزمدى دامىتۋ ءۇشىن كاسىپورىنداردى ارالاۋ الاڭدارىنا قولجەتىمدىلىك ماسەلەسىن شەشىپ بەرۋدى سۇرايدى. مۇنداي كاسىپتىك تۋريزم تۇرلەرى وقۋ بىتىرگەن جاستاردىڭ، باسقا دا جۇ­مىسسىز جۇرگەن ماماندىق يەلە­رىنىڭ جۇمىس تابۋىنا مۇمكىندىك بەرەدى.

ءبىز جوعارىدا باياناۋىل دەمالىس ايماعىنىڭ ەلىمىزدىڭ ۇز­دىك 10 تۋريستىك ءوڭىر قاتارىندا ەكە­نىن جازدىق. ەندى وسى جوبا ايا­سىنداعى 10 باعىت بويىنشا رەسپۋب­ليكالىق بيۋدجەتتەن 17،5 ملرد تەڭگە بولىنبەك، 30-دان اسا جوبا بەل­گىلەندى. بىراق باياناۋىل ءتۋريزمى قاشان جۇزەگە اسارى بەلگىسىز جوبا-جوسپارلارعا تاۋەلدى. وسى رەتتە وبلىستىق ءتۋريزمدى دامىتۋ جانە سپورت باسقارماسىنىڭ مالىمەتىنشە، ەكولوگيا، كورىكتەندىرۋ، اۋەجاي، جول، ينفراقۇرىلىم، ينۆەستور تارتۋ، ماركەتينگ سياقتى باعىتتار بويىنشا جۇمىس جوسپارلانىپتى. جوسپار اياسىندا قىرۋار قارجى دەمالىس ايماعىندا ينفراقۇرىلىم سالۋعا، جولدار جوندەۋگە، ەلەكتر جەلىسىن تارتۋعا، ترانسفورماتورلار، ۆاكۋمدى اجىراتقىشتار، كابەل ونىمدەرى، تىرەكتەرگە ارنالعان ىرگەتاستار، تەمىربەتوندار تۇرعىزۋعا جۇمسالادى. بيودارەتحانالار، ورىن­دىقتار، قوقىس جيناۋعا ارنال­عان كونتەينەرلەر ورناتىلادى. جاڭا دەمالىس ۇيلەرى، كەشەندەر مەن كورپۋستار بوي كوتەرەدى. ءبىر ءۇمىت، ءبىر كۇدىك.

 

پاۆلودار وبلىسى،

باياناۋىل اۋدانى

سوڭعى جاڭالىقتار

مارافون نەسىمەن ماڭىزدى؟

الەم • 26 قىركۇيەك، 2021

تاعدىرى تەمىردەي شىڭداعان قايراتكەر

قازاقستان • 26 قىركۇيەك، 2021

شەكتەۋدە شيرىققان شاعىن بيزنەس

بيزنەس • 26 قىركۇيەك، 2021

پياندج وزەنىندەگى ەرلىك

تاريح • 26 قىركۇيەك، 2021

ەڭبەكپەن ەسەيگەن ەر

قازاقستان • 26 قىركۇيەك، 2021

بەيتانىس ساعىنىش

الەم • 26 قىركۇيەك، 2021

Astana Open ءتۋرنيرى اياقتالدى

سپورت • 26 قىركۇيەك، 2021

شەكاراشىلار ەليتالىق اسكەر بولسا...

قازاقستان • 26 قىركۇيەك، 2021

ۇلىبريتانيادا تانىستىرىلادى

وقيعا • 26 قىركۇيەك، 2021

وبلىس ورتالىعىنىڭ دەنى اۋىز سۋسىز وتىر

ايماقتار • 26 قىركۇيەك، 2021

مۇراعاتتاردىڭ ءحالى مۇشكىل

قوعام • 26 قىركۇيەك، 2021

نۇر-سۇلتان اۋەجايىندا ءتۇتىن شىقتى

ەلوردا • 26 قىركۇيەك، 2021

جالعىزدىق ارالى

كينو • 26 قىركۇيەك، 2021

تەننيس: Astana Open ءتۋرنيرى اياقتالدى

سپورت • 26 قىركۇيەك، 2021

ەلوردادا قار جاۋادى

قازاقستان • 26 قىركۇيەك، 2021

بالالار الاڭىنداعى تج: بالا ەسىن جيدى

ايماقتار • 26 قىركۇيەك، 2021

قاراعاندى-بالقاش تاس جولى جوندەلۋدە

ايماقتار • 26 قىركۇيەك، 2021

الماتىدا كىتاپ فەستيۆالى ءوتىپ جاتىر

ايماقتار • 26 قىركۇيەك، 2021

ماسكەۋدە جەتى جۇلدە الدىق

سپورت • 26 قىركۇيەك، 2021

ەلوردادا Astana Marathon-2021 ءوتىپ جاتىر

ەلوردا • 26 قىركۇيەك، 2021

بۇگىن ماشينا جاساۋ كۇنى

قازاقستان • 26 قىركۇيەك، 2021

قىزىلوردا وبلىسى «جاسىل» ايماققا ءوتتى

كوروناۆيرۋس • 26 قىركۇيەك، 2021

قانشا قازاقستاندىق ۆاكتسينا سالدىردى؟

كوروناۆيرۋس • 26 قىركۇيەك، 2021

قازاقستاندا ەڭبەك كۇنى اتاپ وتىلەدى

قازاقستان • 26 قىركۇيەك، 2021

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار