كوروناۆيرۋس • 28 شىلدە، 2021

ناۋقاستاردىڭ 99،9 پايىزى ۆاكتسينا سالدىرماعاندار - تسوي

1175 رەت كورسەتىلدى

دەنساۋلىق ساقتاۋ ءمينيسترى الەكسەي تسوي ورتالىق كوممۋنيكاتسيالار قىزمەتىندە وتكەن بريفينگتە كوروناۆيرۋس جۇقتىرعانداردىڭ 99،9 پايىزى ۆاكتسيناتسيادان وتپەگەندەر ەكەنىن ايتتى، دەپ حابارلايدى Egemen.kz.

«بۇگىندە 8،6 ميلليون دوزا ۆاكتسينا قولدانىلدى. ءبىرىنشى كومپونەنت 5 230 750 ادامعا سالىندى، بۇل - تۇرعىنداردىڭ 52،8 پايىزى. ەكىنشى كومپونەنت 3 436 617 ادامعا سالىندى. ناۋقاستاردىڭ 99،9 پايىزى ۆاكتسينا سالدىرماعاندار ەكەنىن اتاپ وتكىم كەلەدى. بۇل يممۋنيزاتسيانىڭ قاۋىپسىز جانە ءتيىمدى ەكەنىنىڭ دالەلى. بۇگىندە ۆاكتسيناتسيا - كوروناۆيرۋستان بولاتىن ءولىم جاعدايىنىڭ الدىن الۋدىڭ جالعىز جولى. سوندىقتان ءاربىر قازاقستاندىقتان ۆاكتسيناتسياعا بايلانىستى سانالى شەشىم قابىلداپ، ءوزىن جانە جاقىندارىن قورعاۋىن سۇرايمىن»، دەدى مينيستر وكق بريفينگىندە.

قازاقستاندا پاندەميا باستالعالى 549 628 ادام ۆيرۋس جۇقتىرعان. ونىڭ 457 098-ءى اۋرۋدان ايىقسا، 5 619 ادام قايتىس بولعان.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار