ايماقتار • 28 شىلدە، 2021

سوتتالعان بالالار وقيتىن مەكتەپتەن 2 وقۋشى قاشىپ، قىلمىس جاساعان

34 رەت كورسەتىلدى

شىعىس قازاقستان وبلىسى كوكپەكتى اۋدانىنداعى سوتتالعان بالالار وقيتىن ەرەكشە رەجيمدەگى مەكتەپتەن 2 تاربيەلەنۋشى قاشىپ كەتىپ، قىلمىس جاسادى، دەپ حابارلايدى Egemen.kz.

شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، ەرەكشە رەجيمدەگى مەكتەپتىڭ كەزەكشىسى تۇنگى تەكسەرۋ كەزىندە تۇركىستان جانە قىزىلوردا وبلىستارىندا تۋعان ەكى ءجاسوسپىرىمنىڭ جوق ەكەنىن انىقتادى.

سىرتقى بەينەباقىلاۋ كامەراسىنىڭ جازباسىنان ولاردىڭ قاشىپ بارا جاتقانى كورىنگەن.

«بوزبالالار كورپەلەردى ءبىر-بىرىنە بايلاپ تەرەزە ارقىلى ەكىنشى قاباتتان تۇسكەن. سودان كەيىن ءۇش مەترلىك تەمىر قورشاۋعا ورمەلەپ شىعىپ، مەكەمە اۋماعىنان قاشىپ كەتتى. ەكەۋى نەگىزىنەن ۇرلىق، الاياقتىق جانە بوتەننىڭ كولىگىن ايداپ كەتۋ باپتارى بويىنشا سوتتالعان»، دەلىنگەن حابارلامادا.

كامەلەت جاسىنا تولماعان تاربيەلەنۋشىلەردى ىزدەۋگە ءوڭىر پوليتسياسىنىڭ جەكە قۇرامى شۇعىل كىرىستى. پوليتسيا قىزمەتكەرلەرى ءيىسشىل يتتەردى دە قولداندى.

سونداي-اق ىزدەستىرۋ شارالارىنا مەكتەپ قىزمەتكەرلەرى مەن ۆولونتەرلەر تارتىلدى.

«قاشىپ كەتكەندەر ەڭ اۋەلى كوكپەكتى اۋدانىنىڭ 54 جاستاعى تۇرعىنىنا تيەسىلى ۋاز ماركالى اۆتوكولىكتى ايداپ كەتكەن. سودان سوڭ جاقىن ماڭداعى ەلدى مەكەندەردىڭ بىرىنە بارىپ، كولىكتى 70 000 تەڭگەگە ساتىپ جىبەردى. ارى قاراي تاكسيمەن وسكەمەن قالاسىنا جەتكەننەن كەيىن جولدا كەتىپ بارا جاتقان كولىكتى توقتاتىپ، الماتى قالاسىنا قاراي بەت العان»، دەلىنگەن ۆەدومستۆو اقپاراتىندا.

«وسكەمەن-الماتى» تاسجولىمەن 140-150 شاقىرىم ءجۇرىپ وتكەن جاسوسپىرىمدەردى پوليتسيا قىزمەتكەرلەرى ۇستادى.

قازىرگى ۋاقىتتا ارنايى مەكتەپكە قر قىلمىستىق ءىس جۇرگىزۋ كودەكسى 200-بابىنا سايكەس، قايتارىلعان جاسوسپىرىمدەرگە باقىلاۋدى كۇشەيتۋ ءۇشىن ۇسىنىم جىبەرىلدى.

سونداي-اق اتالعان فاكتى بويىنشا قر قك 200-بابى 1-بولىگىمەن سوتقا دەيىنگى تەرگەۋ امالدارى باستالدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار