ال تسيرروز اۋرۋى كەزىندە باۋىر تىندەرى بۇزىلادى, باۋىردىڭ قالىپتى تىندەرى تىرتىق تىندەرمەن اۋىستىرىلادى, باۋىر قۇرىلىمى بۇزىلادى. اعزا ءوز وىزمەتىن دۇرىس اتقارا الماي قالادى. وسىعان بايلانىستى, باۋىر تسيرروزىندا دۇرىس تاماقتانۋ, ديەتا ساقتاۋ – پاتسيەنتتى قولداۋدىڭ ماڭىزدى كومپونەنتى بولىپ تابىلادى. ول ناۋقاستىڭ جاعدايىن جاقسارتىپ, اسقىنۋلاردىڭ الدىن الادى. بۇل تۋرالى وقىرماندارىمىزعا گاستروەنتەرولوگ-دارىگەر, جوعارى ساناتتى گەپاتولوگ, مەديتسينا عىلىمدارىنىڭ دوكتورى, كارديولوگيا جانە ىشكى اۋرۋلار عزي ىشكى اۋرۋلار كافەدراسىنىڭ پروفەسسورى الەكساندر نەرسەسوۆ كەڭەس بەردى.
باۋىر تسيرروزى كەزىندە دۇرىس تاماقتانۋ كەلەسىدەي قاعيدالارعا نەگىزدەلگەن:
الكوگول ىشىمدىگىن ىشۋگە قاتاڭ تىيىم سالىنادى. الكوگول - باۋىردىڭ باستى جاۋى;
وسىمدىك اقۋىزى جەڭىل سىڭەدى, سوندىقتان ۇرمە بۇرشاق, بۇرشاق جانە ت.ب. وسىمدىك اقۋىزدارىن, ءسۇت, قۇس, بالىق ونىمدەرىن تۇتىنعان دۇرىس;
ادامنىڭ يممۋندىق جۇيەسىن نىعايتاتىن جەمىستەر مەن كوكونىستەردى پايدالانۋ ۇسىنىلادى. ەگەر بۇل رەتتە ءىش كەۋىپ كەتەتىن بولسا, وندا ديەتانى تۇزەتۋ قاجەت;
توزىمدىلىگى قاناعاتتانارلىقتاي بولعان جاعدايدا, سونىمەن قاتار تاۋلىگىنە 2-3 كەسەگە دەيىن كوفە ىشۋگە بولادى;
تاماقتانۋ اراسىنداعى ۇزىلىستەردى قىسقارتا وتىرىپ بولشەك تاماققا كوشكەن دۇرىس, نەگىزگى 3 رەتتىك تاماقتى قابىلداۋ (تاڭعى, تۇسكى, كەشكى اس) جانە اراسىندا 3 رەت جەڭىل تاماقتانۋ (ەكىنشى تاڭعى اس, بەسىن اس, كەش ىشىلەتىن كەشكى اس) دۇرىس, ويتكەنى ءجيى تاماقتانۋ اسقازان-ىشەك جولدارىنا ارتىق سالماق تۇسىرمەيدى, باۋىر مەن وتكە قورەكتىك زاتتاردىڭ بولىنۋىنە جول بەرىپ, ولاردىڭ فۋنكتسيالارى قالىپقا كەلەدى.
تۇتىناتىن سۇيىقتىقتىڭ جەتكىلىكتى جالپى كولەمى (تاۋلىگىنە 2-3 ليترگە دەيىن) قاجەت;
تىم مايلى تاماقتاردى تۇتىنۋعا بولمايدى. بۋعا, سۋعا پىسىرىلگەن تاماقتاردى, بۇقتىرىلعان تاعامداردى پايدالانعان ءجون;
ونىمدەردى جىلى كۇيىندە ءىشۋ قاجەت, اس قورىتۋ پروتسەسىن بۇزاتىن سۋىق جانە ىستىق تاعامداردى تۇتىنباۋ كەرەك.
كوكونىسپەن دايىندالعان جارما سورپالارىن ءىشۋ;
مايسىز جانە ءسىڭىرلى ەمەس ەتتەردى (جاس سيىر, بۇزاۋ ەتى, مايى از قوي ەتى, قويان نەمەسە تاۋىقتىڭ اق ەتى); قايناتىلعان, بۋعا پىسىرىلگەن نەمەسە پىسىرىلگەن مايسىز بالىقتى; ۋسىمالى جانە جارتىلاي پىسىرىلگەن بوتقالاردى (كۇرىش, قاراقۇمىق, س ۇلى جارماسى) جەۋ;
مايلىلىعى تومەن جانە قىشقىل ەمەس ءسۇت ونىمدەرىن تۇتىنۋ ۇسىنىلادى.
تسيرروز – وتە اۋىر سىرقات, ال دۇرىس تاماقتانۋ ەرەجەلەرىن ورىنداماۋ باۋىر ەنتسەفالوپاتيا (كوما), وڭەش پەن اسقازاننىڭ كەڭەيتىلگەن تامىرلارىنان قان كەتۋ; استسيت, كوك باۋىردىڭ ءوسۋى جانە ونىڭ قىزمەتىنىڭ جويىلۋى سەكىلدى اسقىنۋلارعا اكەلەدى.
الماتى
