ايماقتار • 28 شىلدە، 2021

ەكپە الماعانداردىڭ 98%-ى جانساقتاۋ بولىمىنە ءتۇسىپ جاتىر

116 رەت كورسەتىلدى

بۇگىندە الماتىنىڭ ينفەكتسيالىق ستاتسيونارلارىندا 3943 ادام ەمدەلىپ جاتىر. رەانيماتسيادا جاتقانداردىڭ 98%-ى ۆاكتسينالانباعان. وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا №5 قالالىق ەمحانانىڭ ءبولىم مەڭگەرۋشىسى گۇلزات بايزاحوۆا الماتىلىقتارعا ۆاكتسينانى كەيىنگە قالدىرماۋعا شاقىردى.

دارىگەردىڭ ايتۋىنشا، كوۆيدتى گوسپيتالدىڭ رەانيماتسياسىندا 267 الماتىلىق بار، ءوجج-دە – 28 ادام، ءينۆازيۆتى ەمەس ءوجج-گە 110 ادام قوسۋلى بولسا، تاعى 103 ناۋقاس High flow اپپاراتىنىڭ كومەگىمەن ەم الۋدا.

گۇلزات بايزاحوۆا 27 شىلدەدەگى جاعداي بويىنشا الماتىدا كوروناۆيرۋس ينفەكتسياسىن جۇقتىرعان 1 250 ناۋقاستىڭ تىركەلگەنىن حابارلادى.

«قاۋىپتى ىندەتتى  جۇقتىرعانداردىڭ   كوپتىگىنەن ناۋقاستاردى ورنالاستىرۋ ءۇشىن توسەك-ورىن سانىن كوبەيتۋدەمىز. قازىردىڭ وزىندە قالانىڭ 3 943 تۇرعىنى ينفەكتسيالىق ستاتسيونارلاردا جاتىر. سونىڭ ىشىندە 215 بالا بار. سونىمەن قاتار 7 702 ناۋقاس ء موبيلدى بريگادا مەن تەلەمەديتسينا ورتالىعىنىڭ كۇندەلىكتى باقىلاۋىندا. سەبەبى، كوبىسى  ەكپە  الماعان جانە  بەتپەردە رەجيمىن ساقتاماعان»، – دەدى ءبولىم مەڭگەرۋشىسى.

گ. بايزاحوۆانىڭ ايتۋىنشا، ۆاكتسينا ادامنىڭ ىندەت جۇقتىرماۋىنا 100 پايىز كەپىلدىك بەرە المايدى. ءسىز اۋرۋ جۇقتىرۋىڭىز مۇمكىن، بىراق ول جەڭىل تۇردە وتەدى.

«شىنىندا بىزدە ۆاكتسيناعا قارسى ادامدار بار. بىراق بۇل تەك 1-2%. قالعاندارى ۆاكتسينالانباعان ناۋقاستار. ۆاكتسينادان وتپەگەن تۇرعىندار قاۋىپتى، ولاردىڭ يممۋنيتەتى ۆيرۋستىڭ مۋتاتسياسىنا كوبىرەك بەيىم»، – دەيدى ءبولىم مەڭگەرۋشىسى.

ەگەر بۇرىن جۇقتىرعانداردىڭ كوپشىلىگى 60 جاستان اسقاندار بولسا، سوڭعى اپتادا دارىگەرلەر ناۋقاستاردىڭ ىشىندە جاستار مەن بالالاردىڭ كوبەيگەنىن ايتتى. بۇل جاڭا «ءۇندى» شتامىنىڭ پايدا بولۋىمەن بايلانىستى. ول وتە  جۇقپالى جانە ينكۋباتسيالىق كەزەڭى دە قىسقا. گ. بايزاحوۆا جاسىنا جانە سوزىلمالى اۋرۋلاردىڭ بولۋىنا قاراماستان ەكپە الۋ وتە ماڭىزدى دەپ سانايدى. ونىڭ ايتۋىنشا، ۆاكتسيناعا كۇمانمەن قارايتىن ادامدار جاناما اسەردەن قورىقپاۋى كەرەك.

«ۆاكتسينادان كەيىن ادامداردا بەلگىلى ءبىر رەاكتسيا پايدا بولادى. بۇل قالىپتى دەنە قىزۋىنىڭ پايدابولۋى. سونداي-اق ينەكتسيا ورنى اۋىرعان كەزدە جەرگىلىكتى رەاكتسيا بار. ادامنىڭ ۆاكتسيناعا رەاكتسياسى بار جوعى يممۋنيتەتكە بايلانىستى ەمەس. بۇل انتيدەنە تيترىنە تاۋەلدى ەمەس. ۆاكتسينانى العاننان كەيىن ەكككەن جەردى ءۇش كۇن بويى سۋتيگىزبەۋ، مونشا مەن ساۋناعا بارۋدان باس تارتۋ، الكوگول ىشپەۋ جەتكىلىكتى. سونداي-اق وسى كەزەڭدە فيزيكالىق جۇكتەمەلەردەن اۋلاق بولۋ كەرەك»، – دەدى گ. بايزاحوۆا.

دارىگەر قازاقستاندا بار ۆاكتسينالاردىڭ تۇبەگەيلى ايىرماشىلىقتارى جوق دەيدى. ولاردىڭ بارلىعى يممۋنيتەتتى قالىپتاستىرادى.

«ۆاكتسينانىڭ ەكى كومپونەنتىن العاننان كەيىن ادام بىردەن  ۆاكتسينا پاسپورتىن الادى. سەبەبى دەرەكتەر ەلەكتروندىق ۇكىمەت پورتالىمەن بايلانىستى. E-Gov mobile قوسىمشاسىنداعى «تسيفرلىق قۇجاتتار» بولىمىندە قاجەتتى قۇجاتتى كورۋگە نەمەسە ەمحانادان انىقتاما الۋعا بولادى»، – دەپ ءتۇسىندىردى گ. بايزاحوۆا.

الماتىدا 1 اقپان مەن 27 شىلدە ارالىعىندا 690 711 ادام ۆاكتسينا الدى. وتكەن تاۋلىكتە 5 001 قالا تۇرعىنى ەكپە الدى. 60 جاستان جوعارى ۆاكتسينا العان ادام سانى 96 553.

 

الماتى

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار