ۆيتسە-پرەمەر دەنساۋلىق ساقتاۋ ءمينيسترى مەن نۇر-سۇلتان, الماتى, شىمكەنت قالالارى, قاراعاندى, اتىراۋ وبلىستارى باسشىلىعىنىڭ وڭىرلەردەگى ەپيدەميولوگيالىق جاعداي تۋرالى ەسەبىن تىڭداپ, مەديتسينالىق ۇيىمدار مەن حالىقتى قاجەتتى دارىلىك زاتتارمەن جانە مەديتسينالىق بۇيىمدارمەن تولىققاندى جانە ۇزدىكسىز قامتاماسىز ەتۋ بويىنشا شارالار قابىلداۋدى تاپسىردى.
ۆەدومستۆوارالىق كوميسسيا ەلدەگى تاۋلىكتىك سىرقاتتانۋشىلىقتىڭ 65% - ءىن جانە تاۋلىكتىك ءولىم جاعدايلارىنىڭ 55% - ءىن قۇرايتىن نۇر-سۇلتان, الماتى, شىمكەنت, اتىراۋ, قاراعاندى قالالارىندا كارانتيندىك شارالاردى كۇشەيتۋ تۋرالى شەشىم قابىلدادى.
بۇل ايماقتاردا اعىمداعى جىلدىڭ 2 تامىزىنان باستاپ مىناداي شەكتەۋ شارالارى كۇشىنە ەنەدى:
ورتالىق مەملەكەتتىك ورگانداردى, اكىمدىكتەردى, قۇقىق قورعاۋ ورگاندارىن, دەنساۋلىق ساقتاۋ ۇيىمدارىن, باق-تى, ازىق-ت ۇلىك دۇكەندەرىن, ءدارىحانالاردى جانە تىرشىلىكتى قامتاماسىز ەتۋ ۇيىمدارىن قوسپاعاندا, "Ashyq" جوباسىنا قاتىسپايتىن بارلىق كاسىپورىندار مەن ۇيىمداردىڭ قىزمەتىن توقتاتا تۇرۋ;
ويىن-ساۋىق, سپورتتىق, وتباسىلىق, ەستەلىك جانە وزگە دە بۇقارالىق ءىس-شارالاردى وتكىزۋگە تىيىم سالۋ;
مەملەكەتتىك ورگاندار, كەڭسەلەر, ۇلتتىق كومپانيالار مەن وزگە دە ۇيىمدار قىزمەتكەرلەرىنىڭ 80% - ءىن قاشىقتىقتان جۇمىس جاساۋعا اۋىستىرۋ (ۆاكتسينا سالدىرعانداردى جانە سوڭعى 3 اي ىشىندە اۋىرىپ جازىلعانداردى قوسپاعاندا).
سونداي-اق, اقمولا, الماتى, قاراعاندى وبلىستارىنىڭ اكىمدىكتەرىنە نۇر-سۇلتان (بۋراباي, تسەلينوگراد, ارشالى اۋداندارى), الماتى (قاراساي, تالعار, ىلە, ەڭبەكشىقازاق اۋداندارى), شىمكەنت قالالارىمەن (سايرام, تولەبي اۋداندارى), قاراعاندىمەن (تەمىرتاۋ, شاحتينسك, اباي) شەكارالاس اۋداندارىندا كارانتيندىك شارالاردى كۇشەيتۋ بويىنشا شارالار قابىلداۋ ۇسىنىلدى.
وڭىرلەردىڭ اكىمدىكتەرىنە شەكتەۋلەر ەنگىزۋ جانە ولاردىڭ ساقتالۋىن باقىلاۋ بويىنشا بارلىق شارالاردى قابىلداۋ تاپسىرىلدى.
ۆيتسە-پرەمەر كوروناۆيرۋستىق ينفەكتسيانىڭ تارالۋىنا قارسى كۇرەستە مونيتورينگتىك توپتار جۇمىسىنىڭ ماڭىزدىلىعىن جانە بارلىق وڭىرلەردە وسى باعىتتاعى بەلسەندىلىكتىڭ تومەندىگىن اتاپ ءوتتى. شوب نىساندارىن رەيدتەرمەن قامتۋدىڭ بارىنشا تومەندەۋى اقتوبە, ماڭعىستاۋ, سولتۇستىك قازاقستان, جامبىل, قىزىلوردا, اقمولا, اتىراۋ وبلىستارىندا, سونداي-اق الماتى جانە شىمكەنت قالالارىندا بايقالادى. انىقتالعان بۇزۋشىلىقتار سانىنىڭ تومەندەۋى ماڭعىستاۋ, پاۆلودار, الماتى, سولتۇستىك قازاقستان جانە اقتوبە وبلىستارىندا بايقالادى.
ە.توعجانوۆ بارلىق وڭىرلەردە مونيتورينگتىك توپتاردىڭ جۇمىسىن جانداندىرۋدى تاپسىردى.
سونداي-اق, ۆيتسە-پرەمەر ەلىمىزدىڭ كەيبىر وڭىرلەرىندە ۆاكتسيناتسيانىڭ تومەن قارقىنىن اتاپ ءوتتى. مىسالى, ماڭعىستاۋ وبلىسىندا حالىقتىڭ تەك 25,6%-ى 1-ءشى كومپونەنتپەن ەگىلدى, بۇل رەسپۋبليكا بويىنشا ورتاشا ماننەن 2 ەسە تومەن (52,4%). 6 ءوڭىردىڭ (بقو, اقتوبە, قوستاناي, قاراعاندى, جامبىل, پاۆلودار وبلىستارى) كورسەتكىشتەرى ەل بويىنشا ورتاشا ماننەن ايتارلىقتاي ارتتا قالىپ وتىر.
باس مەملەكەتتىك سانيتاريالىق دارىگەردىڭ 2021 جىلعى 14 شىلدەدەگى №32 قاۋلىسىنا سايكەس اعىمداعى جىلعى 10 تامىزعا دەيىنگى مەرزىمدە قىزمەت كورسەتۋ سالاسىنىڭ بارلىق قىزمەتكەرلەرى كوۆيد-19 ۆاكتسيناسىنىڭ ءبىرىنشى كومپونەنتىمەن ەكپە الۋى ءتيىس.
