تاراپتار ترانزيتتىك-كولىك سالاسىنداعى ىنتىماقتاستىقتى دامىتۋ پەرسپەكتيۆالارىن, اتاپ ايتقاندا, جۇك تاسىمالىن ۇلعايتۋ, تەمىرجول جانە اۆتوموبيل كولىگىن دامىتۋ, بىرلەسكەن ءىرى ينفراقۇرىلىمدىق جوبالاردى ىسكە اسىرۋ ماسەلەلەرىن تالقىلادى.
قازاقستاننىڭ وزبەكستانمەن ستراتەگيالىق سەرىكتەستىگى ترانزيتتىك-كولىك سالاسىن قوسا العاندا, بارلىق باعىتتاردا قارقىندى دامىپ كەلەدى. قازاقستان مەن وزبەكستان تاراپتارى ءوزارا ساۋدا كولەمىن ۇلعايتۋ ءۇشىن كولىك-لوگيستيكا الەۋەتتى ارتتىرۋ بويىنشا شارالار قابىلداپ جاتىر.
2021 جىلعى قاڭتار-مامىردا تاۋار اينالىمى 46%-عا ءوسىپ, $1,5 ملرد قۇرادى. قر-نىڭ ءور-عا ەكسپورتى 58,4%-عا ۇلعايدى.
پاندەمياعا قاراماستان, قازاقستان مەن وزبەكستان اراسىندا جۇك تاسىمالىنىڭ بارلىق تۇرلەرى بويىنشا كورسەتكىشتەردىڭ ارتقانى بايقالادى.
تەك 2021 جىلدىڭ ءى توقسانىندا كونتەينەرلىك تاسىمالدار 2020 جىلدىڭ سايكەس كەزەڭىمەن سالىستىرعاندا 57% وسىممەن 233,9 مىڭ جفە-گە دەيىن ارتىپ كەلەدى. اۆتوموبيل كولىگىمەن جۇك تاسىمالداۋ كولەمى وسى جىلدىڭ 6 ايىندا 18%-عا ءوسىپ, 1,3 ملن توننانى قۇرادى.
تاراپتار بيىلعى جىلدىڭ 29 شىلدەسىنەن باستاپ اپتاسىنا 2 رەت جيىلىكپەن «اقتوبە – نوكىس» باعىتى بويىنشا جاڭا اۋە قاتىناسىن اشۋعا كەلىستى. قازىرگى ۋاقىتتا قر مەن ءور اراسىندا اپتاسىنا 32 رەيس ورىندالادى.
كەزدەسۋ بارىسىندا تاراپتار بىرلەسكەن ءىرى ينفراقۇرىلىمدىق جوبالاردى ىسكە اسىرۋ — «داربازا – ماقتاارال» جاڭا تەمىرجول جەلىسىن, «تۇركىستان – شىمكەنت – تاشكەنت» جوعارى جىلدامدىقتى ماگيسترالىن سالۋ جانە ت. ب. جوسپارلاردى تالقىلادى.
