ءبىلىم • 27 شىلدە، 2021

ءبىرىنشى سىنىپقا قۇجات قابىلداۋ 1 تامىزعا دەيىن جالعاسادى

26 رەت كورسەتىلدى

بۇگىنگى تاڭدا ءبىرىنشى سىنىپقا قابىلداۋ ءۇشىن 310 مىڭنان استام ءوتىنىش ءتۇستى. قۇجاتتاردى قابىلداۋ 1 ساۋىردە باستالىپ، 1 تامىزعا دەيىن جالعاسادى، دەپ حابارلايدى قر ءبىلىم جانە عىلىم مينيسترلىگىنىڭ ءباسپاسوز قىزمەتى.

بۇل مەرزىم بولاشاق وقۋشىلاردىڭ اتا-انالارى مەكتەپتى الدىن-الا انىقتاپ، قاجەت قۇجاتتاردى ۋاقىتىلى تاپسىرىپ، بالالاردى وقۋ قۇرالدارىمەن قامتاماسىز ەتۋى ءۇشىن بەرىلدى. ال مەكتەپ اكىمشىلىگى سىنىپتاردى الدىن الا جيناقتاۋ، وقۋلىقتاردىڭ قاجەتتى كولەمىن ساتىپ الۋ، مۇعالىمدەر اراسىندا ساعاتتاردى ءبولۋ جانە سىنىپتار سانىنا بايلانىستى پەداگوگتەر قۇرامىن انىقتاۋ بويىنشا جۇمىستاردى اتقاراتىن بولادى. وسىعان بايلانىستى مينيسترلىك وتىنىشتەردى ۋاقىتىلى بەرۋدىڭ ماڭىزدىلىعىن ەسكە سالادى.

ء«بىز قۇجاتتاردى قابىلداۋ مەرزىمىن ۇزارتتىق. ەندى قۇجاتتاردى قابىلداۋ 4 ايعا سوزىلادى. بۇل اتا-انالارعا دا، مەكتەپ اكىمشىلىكتەرىنە دە وقۋ پروتسەسىنە دايىندىقتى الدىن الا ويلاستىرۋعا مۇمكىندىك بەرەدى. سونداي-اق 10 تامىزدان كەيىن مەكتەپتەردە دايىندىق توبى جۇمىسىن باستايدى، وعان اتا-انالاردىڭ قالاۋى بويىنشا مەكتەپكە دەيىنگى مەكەمەلەرگە بارماعان نەمەسە مەكتەپالدى دايارلىقتان وتپەگەن بالالار بارا الادى»، – دەپ اتاپ ءوتتى قر بعم مەكتەپكە دەيىنگى جانە ورتا ءبىلىم كوميتەتى ءتورايىمى مايرا مەلدەبەكوۆا.

وتىنىشتەردى قابىلداۋ ەgov.kz ەلەكتروندىق ۇكىمەت پورتالى ارقىلى ەلەكتروندىق فورماتتا جۇرگىزىلەدى. مەكتەپكە قابىلداۋ ءۇشىن كەلەسى قۇجاتتاردى ۇسىنۋ قاجەت: بالانىڭ دەنساۋلىق جاعدايى تۋرالى قۇجاتتار (بالانىڭ دەنساۋلىق پاسپورتى №026/ۋ-3، №063/ۋ نىسانى بويىنشا مەديتسينالىق انىقتاما); بالانىڭ كولەمى 3ح4 سم تسيفرلىق فوتوسۋرەتى. ءوتىنىش 1 جۇمىس كۇنى ىشىندە قارالادى.

«قىزىل» ايماققا ەنگەن وڭىرلەردە تۇراتىن اتا-انالار مەديتسينالىق انىقتامالاردى وقۋ جىلىنىڭ باستالۋىنا دەيىن الا الادى.

ۆەدومستۆونىڭ بولجامى بويىنشا وسى وقۋ جىلىندا ءبىرىنشى سىنىپقا 380 مىڭنان استام وقۋشى بارادى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار