COVID-19-عا قارسى ۆاكتسينالاۋ شارالارى باستالعالى بەرى وڭىردە 26 مەملەكەتتىك, 5 جەكەمەنشىك مەديتسينالىق مەكەمە ەكپە جۇمىستارىمەن اينالىسىپ جاتىر. تۇرعىندار ۆاكتسينانىڭ ءبىرىنشىسىن دە, ەكىنشىسىن دە وسى مەكەمەلەردەگى ارنايى جابدىقتالعان كابينەتتەردە قابىلداۋدا. مۇنىڭ سىرتىندا, 181 ستاتسيونارلىق جانە كوشپەلى ەكپە پۋنكتتەرى جۇمىس ىستەيدى. مەديتسينالىق مەكەمەلەردە ۆاكتسينا ساقتاۋعا ارنالعان 104 توڭازىتقىش بار. قازىر بۇل قۇرىلعىلاردا ۆاكتسينانىڭ 173 مىڭ دوزاسى ساقتالىپ تۇر. وبلىستىق دەنساۋلىق ساقتاۋ دەپارتامەنتىنىڭ مالىمەتىنشە, اقپان ايىنىڭ باسىنان باستاپ بۇگىنگە دەيىن وڭىرگە ۆاكتسينانىڭ 259 مىڭ 500 ءبىرىنشى كومپونەنتى, 183 مىڭ 250 ەكىنشى كومپونەنتى اكەلىنگەن. ونىڭ ىشىندە سپۋتنيك V ۆاكتسيناسىنىڭ 209 مىڭ دوزا ءبىرىنشى, 132,75 مىڭ ەكىنشى كومپونەنتى, سونداي-اق 4 مىڭ ادامعا جەتەتىن QazVac دوزاسى, Hayat-Vax ۆاكتسيناسىنىڭ 32,5 مىڭ ادامعا جەتەتىن 65 مىڭ دوزاسى, CoronaVac-تىڭ 14 مىڭ تۇرعىندى ۆاكتسينالاۋعا بولاتىن 28 مىڭ دوزاسى بار.
– وبلىستا بۇگىنگە دەيىن 231 مىڭعا جۋىق ادام ۆاكتسينا قابىلدادى. ەكپە سالدىرعانداردىڭ الدىڭعى شەبىندە مۇعالىمدەر تۇر. سوڭعى مالىمەت بويىنشا, وڭىردە 16 070 پەداگوگ, 10 708 مەديتسينا قىزمەتكەرى, 7 429 پوليتسيا جانە توتەنشە جاعداي قىزمەتكەرى, 4 359 ستۋدەنت, 4 مىڭعا جۋىق مەملەكەتتىك قىزمەتشى, 23 504 سوزىلمالى اۋرۋى بار ناۋقاس, 162 443 وزگە ساناتتاعى ازاماتتار ۆاكتسينا قابىلدادى. ولاردىڭ 130 مىڭى ەكىنشى كومپونەنت سالدىردى. وڭىردە ۆاكتسينالاۋ شارالارىنا ءتيىستى دايىندىقتان وتكەن 426 مەديتسينا قىزمەتكەرى قاتىسۋدا, – دەدى وبلىستىق دەنساۋلىق ساقتاۋ دەپارتامەنتى باسشىسىنىڭ ورىنباسارى انجەلا بەكسۇلتانوۆا.
ەمحانالاردىڭ سىرتىندا, وبلىس ورتالىعىنداعى حالىق كوپ شوعىرلاناتىن قوعامدىق ورىنداردا, ماسەلەن, Kostanay رlaza ساۋدا-ساۋىق ورتالىعىندا, «استىقجان» سۋپەرماركەتىندە, City Kostanai بيزنەس-ورتالىعىندا, رۋدنىي قالاسىنىڭ ورتالىق امبەباپ دۇكەنىندە جەكەلەگەن ەكپە كابينەتتەرى جۇمىس ىستەپ تۇر.
شەكتەۋ تالاپتارىنىڭ قاتايا تۇسكەنىنە قاراماستان, ءوڭىردىڭ ەپيدەميالىق احۋالى ءماز ەمەس. قوستاناي وبلىسى – «قىزىل ايماقتا». وڭىرلىك جەدەل شتاب مالىمەتىنە سۇيەنسەك, 25 شىلدەدە وبلىس بويىنشا COVID-19-دىڭ 181 جاعدايى تىركەلىپ, ءبىر تاۋلىكتىڭ ىشىندە ناۋقاستار سانىنىڭ ءوسۋ قارقىنى 0,94%-عا جەتتى. جالپى, وبلىستا ەڭ العاشقى تۇرعىن ىندەت جۇقتىرعان بىلتىردىڭ 3 ساۋىرىنەن باستاپ بۇگىنگە دەيىن COVID-19-دىڭ 19 مىڭ 378 جاعدايى تىركەلىپ, 17 558 ناۋقاس ەمدەلىپ شىققان.
قوستاناي وبلىسى
