بىرىنشىدەن, باسەكەگە قابىلەتتى جانە اشىق سايلاۋ جەرگىلىكتى ماسەلەلەرمەن تانىس جانە ونى شەشۋدىڭ كىلتىن تابا الاتىن قۇزىرەتتى جانە جاۋاپتى كانديداتتاردى اكىم لاۋازىمىنا سايلاۋعا مۇمكىندىك بەرەدى.
ەكىنشىدەن, سايلانعان اكىمدەر جەرگىلىكتى حالىقتىڭ سەنىمىن اقتاۋعا بار كۇشىن سالادى. اۋىل تۇرعىندارىمەن قارىم-قاتىناستىڭ تيىمدىلىگى اكىمدەردى ەلەكتوراتتىق قولداۋدىڭ كەيىنگى دەڭگەيىندە تىكەلەي كورىنىس تاباتىن بولادى.
ۇشىنشىدەن, اۋىل اكىمدەرىنىڭ تىكەلەي سايلاۋىنىڭ ەنگىزىلۋىمەن ەلدى مەكەندەردە جەرگىلىكتى بيلىكتىڭ ءىس-ارەكەتىنە قوعامدىق باقىلاۋ قۇرالى پايدا بولادى. اۋىل تۇرعىندارى وزدەرى تۇراتىن مەكەننىڭ وزەكتى ماسەلەلەرىن تالقىلاۋعا قاتىسۋعا جانە اكىمدەردەن سايلاۋ الدىنداعى ۋادەلەرىنىڭ ورىندالۋىن تالاپ ەتۋگە مۇمكىندىك الادى.
تۇتاستاي العاندا, اۋىل اكىمدەرىن تىكەلەي سايلاۋ وتكىزۋ جەرگىلىكتى جەرلەردەگى باسقارۋشىلاردىڭ جاۋاپكەرشىلىگىن ارتتىرۋعا, سونداي-اق جەرگىلىكتى قوعامداستىقتاردىڭ ءرولىن كۇشەيتۋگە ىقپال ەتەتىن بولادى. اۋىل اكىمدەرىن سايلاۋ اتقارۋشى بيلىكتىڭ جوعارى دەڭگەيلەرىندە وسىنداي سايلاۋ وتكىزۋگە نەگىز قالايدى.
سليامجار احمەتجاروۆ,
پرەزيدەنت جانىنداعى قسزي الەۋمەتتىك-ساياسي زەرتتەۋلەر ءبولىمىنىڭ اعا عىلىمي قىزمەتكەرى
