مەنىڭ ويىمشا, بۇل سايلاۋدى ساياسي جۇيەنى رەفورمالاۋ پروتسەسىندەگى وڭ قادام دەپ اتاۋعا بولادى. اۋىل اكىمىن جاناما تاڭداۋدان تىكەلەي داۋىس بەرۋگە كوشۋ شەڭبەرىندە ءبىز اۋىل حالقىنىڭ شەشىم قابىلداۋ پروتسەسىنە بەلسەندى قاتىسۋىنا ىقپال ەتەتىن ماڭىزدى قادامداردىڭ ءبىرىن جاسادىق. تىكەلەي سايلاۋ وتكىزۋ كەيىننەن سايلاۋشىلارعا جاڭا اكىمنىڭ جۇمىسىنا ءوز كوزقاراسىن بىلدىرۋگە مۇمكىندىك بەرەدى.
داۋىس بەرۋ كۇنىنىڭ الدىن الا قورىتىندىسى بويىنشا ءبىز سايلاۋشىلاردىڭ جوعارى بەلسەندىلىگىن بايقادىق. كەيبىر وڭىرلەردە سايلاۋشىلاردىڭ داۋىس بەرۋگە قاتىسۋ كورسەتكىشى 90%-دان استى. بۇل وسى ساياسي وقيعاعا اۋىل تۇرعىندارىنىڭ ەرەكشە قىزىعۋشىلىعىن كورسەتەدى.
سونىمەن قاتار سايلاۋشىلار بولاشاق اكىمدى تاڭداۋدا وتە جاۋاپتى بولۋى كەرەك, ويتكەنى بۇل جاي عانا «كەلدى, كوردى, داۋىس بەردى» ارەكەتىنىڭ الگوريتمى ەمەس. بۇل – ءوز اۋىلىنىڭ بولاشاق دامۋىن تاڭداۋ, مۇنىڭ ءوزى ۇمىتكەرلەردىڭ سايلاۋالدى باعدارلاماسىن جانە وزدەرى داۋىس بەرەتىن ادامداردىڭ كىم ەكەندىگىن زەرتتەپ ءبىلۋدى تالاپ ەتەتىندىگى انىق.
ينديرا رىستينا,
پرەزيدەنت جانىنداعى قسزي الەۋمەتتىك-ساياسي زەرتتەۋلەر ءبولىمىنىڭ باسشىسى
