قارجى • 26 شىلدە، 2021

بانكتەر دە «قاتەلەسەدى»

44 رەت كورسەتىلدى

قازىر بانكتە قارىزى جوق ادام جوق شىعار، ءسىرا؟! قارجى ۇيىمدارىنان نەسيە الاردا كوپشىلىگىمىز تۇتىنۋشى مەن بانك اراسىندا جاسالاتىن كەلىسىمشارتتى دا وقي بەرمەيمىز. قارىز بەرگەنىنە ءماز بولىپ، كوزدى جۇمىپ، قولدى قويا سالامىز. نەگىزى بۇل دۇرىس ەمەس. ءسىز قول قويعانىڭىزبەن، قۇقىڭىز بۇزىلىپ جاتۋى مۇمكىن. ويتكەنى بانكتەردە دە ادامي فاكتوردان تۋىندايتىن قاتەلىكتەر كوپ. كەيبىرەۋلەر زاڭدى دا قونىشىنان باسا سالادى. قارجى نارىعىن رەتتەۋ جانە دامىتۋ اگەنتتىگى قارجى ۇيىمدارى جول بەرگەن ءبىراز زاڭ بۇزۋشىلىقتى انىقتاپ وتىر.

fingramota.kz رەسۋرسىنىڭ حابارلاۋىنشا، 2021 جىل­دىڭ العاشقى جارتى­جىل­دى­عىندا ەكىنشى دەڭگەيدەگى بانكتەرگە، بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدارعا، ساقتاندىرۋ (قايتا ساقتاندىرۋ) ۇيىمدارىنا، كوللەكتورلىق اگەنتتىكتەرگە، ميك­رو­­قارجىلىق قىزمەتتى جۇزەگە اسى­راتىن ۇيىمدارعا جانە كرەديت­تىك بيۋروعا جۇرگىزىلگەن تەكسەرۋدىڭ ناتيجەسىندە جالپى سوماسى 12 681،6 مىڭ تەڭگەگە 67 قاداعالاۋ ۇسىنىم شاراسى، 43 جازباشا ۇيعارىم جانە 48 اكىمشىلىك جازا قولدانىلعان. «بانكتىك قىزمەت كورسەتۋ سالاسىنا جۇرگىزىلگەن تالداۋ ناتيجەلەرى تۇتىنۋشىلاردىڭ قۇقى مىناداي ماسەلەدە ءجيى بۇ­زى­لاتىنى انىقتالدى: بانك قىز­مەت­تەرىن كورسەتۋ قاعيدالارى تالاپتارىن ورىنداماۋ; قارىز بو­­­يىنشا بەرەشەكتى وتەۋ كەزەكتىلىگىن ساقتاماۋ; كەپىل بەرۋشىگە كەپىلگە سالىنعان م ۇلىككە ساۋدا-ساتتىق جۇرگىزۋ تۋرالى ۋاقتىلى حابارلاماۋ; قارىز الۋشىعا قۇقىقتىڭ (تالاپتىڭ) ءۇشىنشى تۇلعاعا اۋىسۋى تۋرالى حابارلامانىڭ مازمۇنى تالابىن ساقتاماۋ; بانكتەر تۋرالى زاڭنىڭ 50-بابىنا سايكەس بانك قۇپياسىن قۇرايتىن مالىمەتتەردىڭ قۇپياسىنا كەپىلدىكتەردى قامتا­ما­سىز ەتپەۋ; بانكتىك قىزمەت كور­سەتۋ تۋرالى جارنامادا بانكتىڭ ليتسەنزياسىنىڭ ءنومىرىن جانە ليتسەنزيا بەرگەن ورگاننىڭ اتاۋىن كورسەتپەۋ; سالىم سوماسىن ۋاقتىلى تولەمەۋ; شوت يەسىنىڭ نۇسقاۋىنسىز جيناق شوتى بو­يىنشا بىرنەشە مارتە شىعىس وپەراتسيالارىن جۇرگىزۋ...»، دەلىنگەن اگەنتتىك حابارلاماسىندا.

ەكىنشى دەڭگەيلى بانكتەر، سونداي-اق تولەمدەر تۋرالى زاڭدا بەل­گىلەنگەن تالاپتاردى دا بۇزىپ-جارىپ، تولەم جانە اقشا اۋدارىمى جونىندەگى نۇسقاۋلاردى ورىنداۋ مەرزىمدەرىن ءجيى بۇزادى ەكەن. قارىزدار بويىنشا سىياقى مولشەرى تۋرالى اقپاراتتى جاريالاۋ، تاراتۋ كەزىندە دە شىنايى سىياقى مولشەرلەمەسىن كورسەتپەي قويا سالۋعا بار. مىنە، وسى سەكىلدى زاڭ بۇزۋشىلىقتارعا بايلانىستى اگەنتتىك 2021 جىل­دىڭ ەكىنشى توقسانىندا بانكتەرگە جالپى سوماسى 1 235،9 مىڭ تەڭ­گەنى قۇرايتىن اكىمشىلىك جازا قاراستىرعان.

ساقتاندىرۋ كومپانيالارى دا وزدەرىنە سەنگەن تۇتىنۋشىلاردىڭ قۇقىن قورعاي بەرمەيتىنى انىق­تال­عان. كەيبىر كومپانيالار كولىك قۇ­را­لىنا كەلتىرىلگەن زيان مول­شە­رىن انىقتاۋ كەزىندە ءتيىستى تالاپ­تاردى ساقتاي بەرمەيتىن كورى­نەدى. ءتىپتى ساقتانۋشىدان الىن­عان ءوتىنىشتى ۋاقتىلى ومبۋدس­مانعا جىبەرۋ بىلاي تۇرسىن، جاپا شەگۋشى ادامدى كولىككە كەلگەن شىعىن تۋرالى ەسەپپەن تانىستىرۋدى دا ار­تىق جۇمىس كورگەن. مۇنداي قىر­سىز كومپانيالارعا دا ارنايى ۇسىنىمدار جىبەرىلگەن.

ال ميكروقارجى ۇيىمدارىنا قا­تىستى اگەنتتىك 13 اكىمشىلىك قۇقىق بۇزۋشىلىق تۋرالى حاتتاما بويىنشا 9 اكىمشىلىك جازا قولدانسا، كوللەكتورلىق اگەنت­تىكتەرگە قاتىستى 4 جازباشا ۇيعارىم، اكىمشىلىك قۇقىق بۇزۋشىلىق تۋرالى 10 حاتتاما تولتىرىلعان. كوللەكتورلار كوپ جاعدايدا بورىشكەرگە جانە ءۇشىنشى تۇلعاعا قاعيدالاردا رەگ­لامەنت­تەلگەن اقپاراتتى تولىق­قاندى حابارلاي بەرمەيدى ەكەن. سونداي-اق قارىز الۋشىنى بەلگى­لەن­بەگەن ۋاقىتتا مازالاۋ دا وزەكتى ماسەلەگە اينالعان. بۇل دا اگەنت­تىكتىڭ نازارىنان تىس قال­ماپ­تى.

ۆەدومستۆو وكىلدەرى قارجى ماسەلەسىندە ازاماتتاردىڭ قۇقى بۇزىلسا، قارجى نارىعىن رەتتەۋ جانە دامىتۋ اگەنتتىگىنە نەمەسە ونىڭ اۋماقتىق بولىمشەلەرىنە حابارلاسۋعا بولاتىنىن ەسكەرتەدى. ماماندارمەن Call-ورتالىق (تەل.: +7 (727) 237 1000) ارقىلى باي­لا­نىس­قا شىعىپ، اقىل-كەڭەس الۋعا نەمەسە ەلەكتروندى پوشتا ارقىلى (info@finreg.kz، TAL@finreg.kz) حات جولداۋعا بولادى.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار