ۆيدەو • 26 شىلدە، 2021

«مەرگەن» ءفيلمى كانادادا وتەتىن فەستيۆالگە قاتىسادى

158 رەت كورسەتىلدى

رەجيسسەر-دەبيۋتانت رايىمبەك ءالجانوۆتىڭ «مەرگەن» اتتى قىسقامەتراجدى ءفيلمى جانرلىق كينولارعا ارنالعان الەمدەگى بەدەلدى فەستيۆالدەردىڭ ءبىرى – حالىقارالىق Fantasia كينوفەستيۆالىنە قاتىسادى، دەپ حابارلايدى Egemen.kz «قازاقفيلمگە» سىلتەمە جاساپ.

اتالعان كينو بايقاۋى تامىزدىڭ 5-ءى مەن 25-ءى ارالىعىندا كانادادا وتەدى. كينوتۋىندىنى  مادەنيەت جانە سپورت مينيسترلىگى تاپسىرىسى بويىنشا «ۇلتتىق كينونى قولداۋ ورتالىعى» كەاق قولداۋىمەن ش.ايمانوۆ اتىنداعى «قازاقفيلم» اق تۇسىرگەن.

- «مەرگەن» ءفيلمىنىڭ العاشقى كورسەتىلىمى Fantasia كينوفەستيۆالى شەڭبەرىندە وتەتىنىنە وتە قۋانىشىتىمىز. مونتاجداۋ جۇمىستارى اياقتالا سالىسىمەن ءفيلمدى وسى بايقاۋعا جىبەردىك. وسى ورايدا ماعان قولداۋ ءبىلدىرىپ، ءفيلمنىڭ شىعۋىنا اتسالىسقان بارلىق ءتۇسىرۋ توبىنا ەرەكشە العىسىمدى بىلدىرگىم كەلەدى، - دەدى رەجيسسەر رايىمبەك ءالجانوۆ.  

ءفيلمنىڭ وقيعاسى XVII عاسىرداعى ۇلى دالاداعى سوعىس كەزىندە ءوربيدى. اتالعان فيلمدە جاس تا بولسا، قولىنا قارۋ الىپ، وتباسىن قوعاۋعا بەل بۋعان مەرگەن ەسىمدى بالانىڭ ءومىرى باياندالادى.

فيلمدەگى باستى ءرولدى ءاليحان ءابي سومدايدى. سونداي-اق بۇل كارتيناعا رايحان ايتقوجانوۆا جانە دۋلىعا اقمولدا سىندى تانىمال اكتەرلەر تۇسكەن. ءفيلمنىڭ ءتۇسىرۋ جۇمىستارى الماتى وبلىسىنداعى تۇرگەن شاتقالىندا جانە «قازاقفيلمنىڭ» پاۆيلوندارىندا جۇرگىزىلدى.

وسىمەن 25-ءشى رەت وتكىزىلىپ جاتقان Fantasia حالىقارالىق كينوفەستيۆالى الەمدەگى جانرلىق فيلمدەرگە ارنالعان بىردەن ءبىر بايقاۋ. اتالعان كينوفەستيۆال شەڭبەرىندە كۆەنتين تارانتينو تۇسىرگەن «بەسلاۆنىە ۋبليۋدكي»، تيمۋر بەكمامبەتوۆتىڭ «نوچنوي دوزور»، سونداي-اق «پۋنكت نازناچەنيا» فرانشيزاسىنىڭ ءبىر ءبولىمىنىڭ تۇساۋى كەسىلگەن بولاتىن.

ايتا كەتسەك، فەستيۆالدىڭ Radical spirit اتتى قىسقامەتراجدى فيلمدەرگە ارنالعان بايقاۋىنا قازاقستاندىق كينوتۋىندىمەن بىرگە ۇلىبريتانيا، مەكسيكا، اۆستراليا، اقش، قىتاي جانە وڭتۇستىك كورەيانىڭ تۋىندىلارى قاتىسادى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار