مولشەرلەمەنى كوتەرۋدەگى باستى سەبەپ - ينفلياتسيانىڭ وسۋىنە جول بەرمەۋ. بۇل تۋرالى قر ۇلتتىق بانكى توراعاسىنىڭ ورىنباسارى اقىلجان بايماعامبەتوۆ قازاقپارات تىلشىسىنە بەرگەن ەكسكليۋزيۆتى سۇحباتىندا ءمالىم ەتتى.
«ۇلتتىق بانكتىڭ نەگىزگى مىندەتى – ەلدەگى باعا تۇراقتىلىعىن ساقتاۋ جانە ءبىزدىڭ باستى قۇرالىمىز – بازالىق مولشەرلەمە. ونى كوتەرۋ – ماۋسىم ايىندا 7,9% رەكوردتىق كورسەتكىشكە جەتكەن قازىرگى ينفلياتسيانىڭ قارقىن الۋىنا وراي قابىلدانعان قيسىندى جاۋاپ بولدى دەر ەدىم جانە ينفلياتسيانى 2022 جىلى 4-6%-دىق ماقساتتى دياپازونعا دەيىن تومەندەتۋ قاجەتتىلىگى بولدى», دەدى ا.بايماعامبەتوۆ.
ونىڭ ايتۋىنشا, ينفلياتسيانىڭ ءوسۋى جەرگىلىكتى قۇبىلىس. سوڭعى ايلاردا اسا جوعارى ينفلياتسيانىڭ ىقپالى بۇكىل الەم بويىنشا سەزىلدى.
«قازاقستانداعى ينفلياتسيانىڭ ءوسۋى ۋاقىتشا, سونداي-اق ورنىقتى ىشكى جانە سىرتقى فاكتورلاردىڭ تەرىس ىقپالىنان تۋىندادى. وسى جاعدايدا ۇلتتىق بانك ينفلياتسيا قىسىمىن تومەندەتۋ ءۇشىن بازالىق مولشەرلەمەنى كوتەردى», دەپ ءتۇسىندىردى ول.
