باتىس قازاقستان وبلىسى باس سانيتار دارىگەرىنىڭ 2021 جىلعى 24 شىلدەدەگى قاتاڭ كارانتيندىك شارالاردى ەنگىزۋ تۋرالى قاۋلىسىنا ساي̆كەس ورال قالالىق جانە وبلىستىڭ اۋداندىق حالىققا قىزمەت كورسەتۋ بولىمدەرى مەن ورال قالاسىنداعى مامانداندىرىلعان ءبولىم 2021 جىلعى 26 شىلدەدەن باستاپ بەس كۇندىك جۇمىس اپتاسىنا وتەتىن بولدى.
جۇمىس كەستەسى ساعات 9-دان باستاپ 18-گە دەي̆ىن بەلگىلەنگەن. سەنبى جانە جەكسەنبى كۇندەرى بۇل بولىمدەر جۇمىس ىستەمەي̆دى. كليەنتتەردى تەك الدىن-الا برونداۋ ارقىلى قابىلداي̆دى.
سونداي̆-اق, حالىققا قىزمەت كورسەتۋ ورتالىعى قىزمەتكەرلەرى Ashyq قوسىمشاسى بوي̆ىنشا كليەنتتەردىڭ ستاتۋسىن تەكسەرەدى.
«ورتالىققا كەلۋ ءۇشىن كەزەكتى eGov پورتالى, 1414 بىرىڭعاي̆ باي̆لانىس ورتالىعى جانە @egovkzbot2.0 تەلەگرام-بوت ارقىلى برونداۋعا بولادى. بارلىق كليەنتتەردەن سانيتارلىق-پروفيلاكتيكالىق نورمالاردى ساقتاۋدى, بىزگە كەلگەن كەزدە بەتپەردە تاعۋدى جانە الەۋمەتتىك قاشىقتىقتى ساقتاۋدى سۇراي̆مىز», دەلىنگەن ورتالىق تاراتقان اقپارات پاراعىندا.
