قاسكۇنەمنىڭ نەگىزگى ولجاسى اقشا مەن التىن بۇيىمدار بولدى. ورتاشا العاندا, ءبىر پاتەردەن كەلگەن شىعىن سوماسى 500 مىڭ تەڭگەنى قۇرادى. ەڭ كىشكەنتاي «ولجا» – 216 مىڭ تەڭگە. قىلمىسكەردى ۇستاۋعا قوستاناي قالاسى پب-نىڭ بارلىق جەكە قۇرامى جۇمىلدىرىلعان.
«تۇسكى ۋاقىتتا قىزىممەن اۋلاعا سەرۋەندەۋگە شىقتىق. اۋلادا جۇرگەندە بەيتانىس ادامدى كوردىم. ول ىزدەۋدە جۇرگەن قىلمىسكەرگە ۇقساس بولىپ كورىندى. بۇيىرىندە سومكەسى دە بولدى», دەيدى چينگيز حاليكوۆ.
كادر ءبولىمىنىڭ قىزمەتكەرى كريمينالدىق پوليتسيا قىزمەتكەرلەرىنە حابار بەرىپ, سولتۇستىك پوليتسيا ءبولىمىنىڭ جەدەل ۋاكىلدەرى اتالعان مەكەنجايعا 20 مينۋت ىشىندە كەلىپ جەتتى.
وسىلايشا, بىرنەشە ءۇيدى توناعان كۇدىكتى قىلمىس ۇستىندە ۇستالدى. ەر ادام التىن بۇيىمدار مەن 650 مىڭ تەڭگە اقشا ۇرلاپ ۇلگەردى. پاتەر ۇرىسى وسىعان ۇقساس قىلمىسى ءۇشىن بۇرىن سوتتالعان نۇر-سۇلتان قالاسىنىڭ 32 جاستاعى تۇرعىنى بولىپ شىقتى. سونىمەن قاتار, ول مەملەكەتارالىق ىزدەۋدە تىركەلگەنى انىقتالدى.
قازىرگى ۋاقىتتا اتالعان فاكتى بويىنشا قىلمىستىق كودەكستىڭ 188-بابىنىڭ 3-بولىگى «ۇرلىق» بويىنشا سوتقا دەيىنگى تەرگەۋ ءىس-شارالارى جۇرگىزىلۋدە. كۇدىكتى قاماۋعا الىندى.
