ايماقتار • 25 شىلدە، 2021

پاۆلودار وبلىسىندا ءۇش ادام سۋعا باتتى

48 رەت كورسەتىلدى

پاۆلودار وبلىسىندا ەر ادام، ءجاسوسپىرىم مەن 6 جاسار بالا ءبىر تاۋلىكتە سۋعا باتىپ كەتتى، دەپ حابارلايدى Egemen.kz، پاۆلودار وبلىسى تجد ءباسپاسوز قىزمەتىنە سىلتەمە جاساپ.

جەدەل دەرەكتەر بويىنشا، العاشقى قايعىلى وقيعا 24-25 شىلدەگە قاراعان ءتۇنى ەرتىستە سىچەۆكا اۋىلىنىڭ ماڭىندا بولعان. مۇندا 17 جاسار ءجاسوسپىرىم سۋعا باتىپ كەتتى.

«2004 جىلى تۋعان جاس جىگىت قايىققا ءمىنىپ ءجۇزىپ كەتتى. قازىر كامەلەتكە تولماعان بالانى ىزدەۋ جۇمىستارى ءجۇرىپ جاتىر. سونداي-اق، 25 شىلدەدە ەكىباستۇزدان جيىرما شاقىرىم جەردە قانىش ساتپاەۆ اتىنداعى كانالدا كۋاگەر 2015 جىلى تۋعان بالانىڭ دەنەسى تابىلدى»، دەپ حابارلادى پاۆلودار وبلىسى تجد ءباسپاسوز قىزمەتى.

«سول كۇنى ساعات 15.20-دا پاۆلوداردان ءۇش شاقىرىم جەردەگى ەرتىستە 1999 جىلى تۋعان جىگىت تىيىم سالىنعان جەردە سۋعا كىرىپ، باتىپ كەتتى»، دەپ حابارلادى ۆەدومستۆونىڭ ءباسپاسوز قىزمەتى.

وڭىرلىك تج دەپارتامەنتىندە پاۆلودارلىقتار قۇتقارۋشىلاردىڭ ەسكەرتۋلەرىن ەلەمەيتىنىن اتاپ ءوتتى. پاۆلودار وبلىسى تجد قىزمەتكەرلەرى دەمالۋشىلاردان تاعى دا تىيىم سالىنعان جەرلەردە شومىلماۋدى جانە سۋ ايدىندارىندا بالالاردى باقىلاپ وتىرۋدى سۇرادى.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار