دوسىموۆتار جانۇياسىندا 1992 جىلعى ءىنىسى ءوزىنىڭ تۋعان اعاسىنا دونور بولعان. ناۋقاس ءبىر جىلدان بەرى گەمادياليز الىپ كەلگەن, ياعني جاساندى اپپاراتپەن جۇرگەن.
ناتيجەسىندە, 3 ساعاتقا سوزىلعان وتا ءساتتى اياقتالدى. بۇگىندە دونور مەن بۇيرەك قابىلداعان اعالى-ىنىلەردىڭ جاعدايلارى جاقسى.
«شىمكەنت قالاسىندا مىڭعا جۋىق ناۋقاس بۇيرەك جەتىسپەۋشىلىگىنەن زارداپ شەگەدى. ولاردىڭ بارلىعى جاساندى بۇيرەك اپپاراتىنا تاۋەلدى. ءبىزدىڭ ماقساتىمىز وسى دەرتكە شالدىققان ناۋقاستاردىڭ سانىن ازايتىپ, تولىققاندى ءومىر سۇرۋىنە ىقپال جاساۋ», دەيدى باس دارىگەر.
باس دارىگەر ەمحانا حيرۋرگتارى ءتۇرلى قيىندىقتاعى وتالار جاساپ, پاندەميا كەزىندە دە جۇمىستارىن جالعاستىرىپ جاتقانىن اتاپ ءوتتى.
