كۋاگەردىڭ ايتۋىنشا, 23 شىلدە كۇنى اقسۋ قالاسىندا ساعات 21.15-تە ەرتىس كوشەسىندە ءجۇرىپ بارا جاتقان كولىكتىڭ بىرىنە الاباي كۇشىگى ارقانمەن بايلانعان. ەر ادام ءيتتىڭ قاتتى ششىڭقىلداعان داۋىسىن ەستىگەنىن ايتتى.
«مەنىڭ ايقايىمدى ەستىگەن جۇرگىزۋشى كولىكتەن شىعىپ, جەردە جاتقان يتكە قارادى. بىراق سول مەزەتتە كولىككە قايتا وتىردى دا, ءارى قاراي جۇرە بەردى. مەن وعان تاعى دا ايقايلادىم. سودان كەيىن ول توقتاپ, يت پەن ارقاندى ۇيگە الىپ كەتتى», دەدى كۋاگەر.
ەر ادام جانۋارعا كورسەتىلگەن قاتىگەزدىككە توزە الماي, ءوتىپ بارا جاتقان پاترۋلگە كورگەنىن حابارلادى.
كۇشىك يەسىنىڭ بۇل قىلىعى Instagram قولدانۋشىلارىن دا اشۋعا بۋلىقتىرىپ, يت يەسىن جازالاۋدى ءوتىندى.
پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى بۇل وقيعاعا قاتىستى تۇسىنىكتەمە بەردى.
ء«يتتىڭ يەسى انىقتالدى. ەر ادام قر اقبك 408-بابى بويىنشا اكىمشىلىك جاۋاپكەرشىلىككە تارتىلىپ, مۇنداي فاكتىلەرگە جول بەرىلمەيتىنى تۋرالى ەسكەرتىلدى», دەپ حابارلادى ۆەدومستۆونىڭ ءباسپاسوز قىزمەتى.
الاباي يەسى مۇنداي ءىس-ارەكەتىن ء«ۇي جانۋارلارىنا قولداناتىن جاتتىعۋ» دەپ ءتۇسىندىردى.
