ايماقتار • 23 شىلدە، 2021

جەكە ازاماتتاردىڭ جاۋاپسىزدىعى بۇكىل قوعامعا قاۋىپ توندىرەدى – م.ايتەنوۆ

75 رەت كورسەتىلدى

بۇگىن شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن ەپيدەميولوگيالىق احۋال جونىندەگى جەدەل شتابتىڭ كەزەكتى وتىرىسى ءوتتى، دەپ جازادى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.

ونلاين فورماتتا وتكەن جيىندا قالانىڭ ەپيدەميولوگيالىق جاعدايى تالقىلانىپ، ىندەتتىڭ تارالۋىنا توسقاۋىل بولاتىن ماسەلەلەر ايقىندالدى.

سوڭعى دەرەك بويىنشا قالادا جىل باسىنان بەرى كوروناۆيرۋس ينفەكتسياسىن جۇقتىرعاندار سانى 14015 ادامعا جەتكەن. ونىڭ ىشىندە 9075 ادام ەمدەلىپ شىققان. سوڭعى تاۋلىكتە دەرتتىڭ 488 جاعدايى تىركەلگەن. اۋرۋ جۇقتىرعاندارمەن بايلانىستا بولعان 8576 ادام انىقتالىپ، دارىگەر قاداعالاۋىنا الىنعان. 3277 ادام ءۇي باقىلاۋىندا بولىپ، 1853 ادام ستاتسيونارعا جاتقىزىلعان.

جەدەل جاردەم قىزمەتى بويىنشا ەڭ كوپ شاقىرتۋلار 20 شىلدە كۇنى تىركەلدى. ول كۇنى تۇرعىنداردان 2416 شاقىرتۋ كەلىپ تۇسكەن. ونىڭ ىشىندە اۋرۋدىڭ پنەۆمونيا دياگنوزىمەن 223 شاقىرتۋ بولسا، جەدەل رەسپيراتورلىق ۆيرۋستىق ينفەكتسيا دياگنوزىمەن 437 شاقىرتۋ تۇسكەن. 

قالادا ۆاكتسينانىڭ ءبىرىنشى كومپونەنتى 349 902 ادامعا ەگىلسە، ەكىنشى كومپونەنتىن 229 273 ادام العان. قالاداعى مەديتسينالىق ۇيىمدار قاجەتتى ءدارى-دارمەك قورىمەن تولىقتاي قامتىلعان.

1

ەپيدەميولوگيالىق احۋالدىڭ دامۋ ءۇردىسىن تالداۋدان وتكىزگەن قالا باسشىسى م.ايتەنوۆ، ىندەت تارالۋىنا سەبەپشى بولاتىن بارلىق جاعداياتتاردىڭ الدىن الۋ جۇمىستارىن كۇشەيتۋدى تاپسىردى. ونىڭ ىشىندە ينفەكتسيالىق ناۋقاستار جاتقىزىلعان ەمدەۋ مەكەمەلەرىنىڭ شايىندى سۋىن زالالسىزداندىرۋدى، مەديتسينالىق قالدىقتاردى جويۋدى ءتيىستى تالاپتارعا سايكەس اتقارۋدى جۇكتەدى.

جيىن بارىسىندا ايتىلعان مالىمەتتەرگە سۇيەنسەك، كارانتين تالاپتارىنىڭ ساقتالۋىن باقىلايتىن ءموبيلدى توپتار سوڭعى ءبىر اپتانىڭ ىشىندە 3930 نىسانعا مونيتورينگ جۇرگىزىپ، 186 نىساننىڭ رەجيمدى بۇزعانى انىقتالعان. قالا اكىمى تالاپقا باعىنباي وتىرعان مۇنداي نىساندار قوعامدىق دەنساۋلىققا نۇقسان كەلتىرىپ وتىرعانىن ايتتى.

سالالىق مەملەكەتتىك ورگاندار حالىققا اقپارات جەتكىزۋدە قوعامعا وي سالاتىن ساراپتامالار بەرۋى كەرەك ەكەنىن اتاپ ءوتتى. ماسەلەن، قازىرگى دەرەكتەر بويىنشا، ۆاكتسينا العان مەديتسينا قىزمەتكەرلەرىنىڭ اراسىندا كوروناۆيرۋس ىندەتىن جۇقتىرۋ دەڭگەيى ۆاكتسيناعا دەيىنگى كورسەتكىشپەن سالىستىرعاندا ەداۋىر ازايعان. ۆاكتسينا العان تۇرعىندار اراسىندا ىندەتتەن قايتىس بولۋ دەرەگى تىركەلمەگەن. اۋىرعاننىڭ وزىندە ەكپە العانداردا بۇل اۋرۋ جەڭىل ءوتىپ، ادام ومىرىنە قاۋىپ توندىرمەيتىنى ايتىلدى.

«اشىق» جوباسىنا قاتىساتىن بيزنەس سۋبەكتىلەرگە كەلۋشىلەر اراسىندا 208 ادامنىڭ – «سارى»، 82 ادامنىڭ «قىزىل» ستاتۋسى بار ەكەنى انىقتالعان. ياعني، بۇل ازاماتتار اينالاداعى ادامدارعا ۆيرۋس جۇقتىرۋى مۇمكىن ەكەنىن سانالى تۇردە بىلگەن. سوعان قاراماستان، قوعامدىق ورىندارعا بارۋىن دوعارماي، جاۋاپسىزدىق تانىتقان. م.ايتەنوۆتىڭ ايتۋىنشا، جەكە ازاماتتاردىڭ جاۋاپسىزدىعى – بۇكىل قوعامعا توندىرەتىن قاۋىپ. سول ءۇشىن حالىق دەنساۋلىعىن قورعاۋدا جۇيەلى اقپاراتتىق جۇمىستار جۇرگىزۋ كەرەك.

2

«سونىمەن بىرگە، مونيتورينگتىك توپتاردىڭ قىزمەتىندە قاتەلىكتەرگە جول جوق.  انىقتالعان ءاربىر ناۋقاس دارىگەرلەردىڭ قاداعالاۋىندا بولىپ، ونىمەن بايلانىستا بولعاندارمەن جۇيەلى جۇمىستار جۇرگىزىلۋى كەرەك. قاجەتتىلىك بولعان جاعدايدا اۋداندارداعى مونيتورينگتىك توپتار سانىن ارتتىرۋ بويىنشا جۇمىس جۇرگىزۋدى تاپسىرامىن»، دەدى اكىم. 

سوڭعى جاڭالىقتار

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

اتىراۋ وبلىسى «سارى» ايماققا ءوتتى

كوروناۆيرۋس • بۇگىن، 08:54

سالادا شەشىمىن تابار ءىس كوپ

ءبىلىم • بۇگىن، 08:52

بالا ءسۇيۋ – باقىت

قوعام • بۇگىن، 08:50

قامبا تولدى استىققا...

ايماقتار • بۇگىن، 08:49

بارلىق سالادا ءوسىم بار

ايماقتار • بۇگىن، 08:47

ەرەكشە بالالاردى ەلەگەندەر

ايماقتار • بۇگىن، 08:43

بىلىگىن شىڭداعان ىستەن جاڭىلماس

ايماقتار • بۇگىن، 08:41

ورنىقتى دامۋ كورىنىسى

قازاقستان • بۇگىن، 08:33

1387 ادامنان كوروناۆيرۋس انىقتالدى

كوروناۆيرۋس • بۇگىن، 08:22

الدىن السا، قاتەرلى ىسىك ەمدەلەدى

مەديتسينا • بۇگىن، 08:18

رۋحاني قازىنانىڭ قاينارى

قازاقستان • كەشە

اعا-دوستى اڭساۋ

ونەر • كەشە

اتىراۋشا اقشا «اساۋ»

ايماقتار • كەشە

ۇقساس جاڭالىقتار