ءىس-شاراعا ساياسي پارتيالاردىڭ جەتەكشىلەرى, ازاماتتىق قوعام ينستيتۋتتارى مەن بۇقارالىق اقپارات قۇرالدارىنىڭ وكىلدەرى قاتىستى. ورتالىق سايلاۋ كوميسسياسى وزبەكستان رەسپۋبليكاسى پرەزيدەنتىن سايلاۋ كۇنى رەتىندە 2021 جىلعى 24 قازاندا بەلگىلەدى. سايلاۋ ناۋقانى 23 شىلدەدە باستالادى دەپ جاريالاندى.
پرەزيدەنت سايلاۋى وزبەكستان رەسپۋبليكاسى كونستيتۋتسياسىنىڭ 117-بابىنا وزگەرىستەر ەنگىزۋىنەنە بايلانىستى, اعىمداعى جىلدىڭ قازان ايىندا وتكىزىلەدى.
وزبەكستان رەسپۋبليكاسى ورتالىق سايلاۋ كوميسسياسىنىڭ توراعاسى زاينيددين نيزامحودجاەۆ پرەزيدەنت سايلاۋى جاڭارتىلعان ۇلتتىق سايلاۋ زاڭناماسىنا, جالپىعا تانىلعان حالىقارالىق ستاندارتتارعا, دەموكراتيالىق پرينتسيپتەرگە, اشىقتىق پەن جاريالىلىققا سايكەس وتەتىنىن اتاپ ءوتتى.
