«EcoQolday Home» جوباسىنىڭ پرومو-اكتسياسى «Dream city» جانە «ەسىل» تۇرعىن ءۇي كەشەندەرىندە ءوتتىى. اكتسيادا تۇرعىندارعا تۇرمىستىق قالدىقتاردى دۇرىس سۇرىپتاۋ جولى كورسەتىلدى.
تۇرعىندار پلاستيك بوتەلكە, مەتالل بانكا, ماكۋلاتۋرا مەن كارتوندى جىلجىمالى قابىلداۋ بەكەتىنە تاپسىرۋدا بەلسەندىلىك تانىتتى. اسىرەسە بۇل شارا بالالار ءۇشىن قىزىقتى بولدى. اۋلا اۋماعىندا ەكو-جاتتىقتىرۋشىلار بالالارعا قالدىقتاردى بولەك جيناۋ بويىنشا شەبەرلىك ساباعىن ۇيىمداستىردى. كوڭىلدى ەكو-كۆەست, ينتەراكتيۆتى ويىندار وتكىزىلدى, سىيلىق ۇلەستىرىلدى. قوقىستىڭ قورشاعان ورتاعا تيگىزەر زيانى ءتۇسىندىرىلدى. شاراعا قاتىسۋشىلار 100 كگ-نان استام قاپتاما قالدىقتارىن جيناپ, وڭدەۋگە وتكىزدى.
ايتا كەتۋ كەرەك, وكم وپەراتورى تامىز ايىنان باستاپ «EcoQolday HOME» جوباسىن ىسكە قوسادى. پاتەر يەلەرى كووپەراتيۆى, م ۇلىك يەلەرى بىرلەستىگى (كسك/وسي) نەمەسە باسقا دا ۇيىمدار قايتالاما شيكىزاتتى جيناي الادى. جينالعان شيكىزاتتى ءموبيلدى قوسىمشا ارقىلى وپەراتوردىڭ وڭىرلىك سەرىكتەستەرىنە ساتۋ قاراستىرىلعان. ال ودان تۇسكەن اقشانى اۋلانى اباتتاندىرۋعا, ءۇيدى جوندەۋ, اۋلانى جاڭعىرتۋ ماقساتىندا پايدالانۋعا بولادى.
«EسoQoldaý» جوباسى – قازاقستاندا قالدىق وڭدەۋ سالاسىن قولداۋدىڭ جاڭا تسيفرلىق مودەلى. جوبا ىسكە قوسىلعان ۋاقىتتان بەرى 42 مىڭ توننادان استام قاپتاما قالدىعى جينالدى. جيناۋشىلار مەن وڭدەۋشىلەرگە 1 ملرد تەڭگەدەن استام قاراجات تولەندى. قازىرگى ۋاقىتتا جوباعا قازاقستاننىڭ بارلىق وڭىرىنەن 465 كاسىپكەر قاتىسادى.
