«قتج» ۇك» اق باسقارما توراعاسى نۇرلان ساۋرانباەۆتىڭ توراعالىعىمەن وتكەن كەڭەسكە ەنەرگەتيكا مينيسترلىگى, يندۋستريا جانە ينفراقۇرىلىمدىق دامۋ مينيسترلىگى, باسەكەلەستىكتى قورعاۋ جانە دامىتۋ اگەنتتىگى, كومىر رازرەزدەرىنىڭ وكىلدەرى مەن تاسىمالداۋشىلار قاتىستى.
وسى جىلعى التى ايدا شويىن جول ارقىلى 51,5 ملن.توننا تاس كومىر تاسىمالدانعان. بۇل وتكەن جىلمەن سالىستىرعاندا 4%-عا كوبىرەك. ونىڭ ىشىندە وتاندىق تۇتىنۋشىلارعا 36,3 ملن. توننا جەتكىزىلگەن. سالىستىرمالى تۇردە العادا بۇل بىلتىرعى كورسەتكىشتەن 9% جوعارى. ال, ەكسپورتقا 15,2 ملن. توننا كومىر جونەلتىلدى.
«ەكى ماسەلەگە باسا نازار اۋدارعىم كەلەدى. ءبىرىنشىسى - جىل بويىنا كومىردىڭ بىركەلكى تيەلۋى جانە تامىزدان باستاپ وتىن ءتۇرىنىڭ ساتىپ الىنا باستاۋى. بۇل جۇمىس رەتى تيىمدىلىگىن كورسەتىپ قانا قويماي كۇزگى-قىسقى ماۋسىمدا كولىك تاپشىلىعىنا ۇرىنباۋعا سەپتىىن تيگىزدى. سوندىقتان بارلىق مۇددەلى توپتىڭ وسى قاعيدانى بەرىك ۇستانعانى ابزال. ەكىنشىسى - «قازتەمىرترانس» اق وزگە دە مەنشىك يەلەرى سەكىلدى نارىقتا جۇمىس ىستەپ جاتىر. وسىعان بايلانىستى جۇك جونەلتۋشىلەردىڭ تاسىمالداناتىن كومىردى كولىكپەن قامتاماسىز ەتۋ جاعىن بارلىق مەنشىك يەلەرىمەن الدىن الا كەلىسىپ العانى ءجون», دەدى «قتج» ۇك» اق باسقارما توراعاسىنىڭ جۇك قوزعالىسى جونىندەگى ورىنباسارى مىندەتىن اتقارۋشى ورالحان قۇلاقوۆ.
قازاقستان اۋماعىندا 63 مىڭنان استام اشىق ۆاگون (پولۋۆاگون) بار, ولاردىڭ 40 مىڭنان استامى - قر جەكە مەنشىك يەلەرى مەن كورشى مەملەكەتتەر ۆاگون وپەراتورلارىنىڭ بالانسىندا, 23 مىڭنان استامى – «قازتەمىرترانس» اق مەنشىگىندە.
كەڭەس قورىتىندىسى بويىنشا وسى جىلدىڭ 1 تامىزىنا دەيىن قتج-دا كومىر تاسىمالداۋ ماسەلەلەرى جونىندەگى شتاب جۇمىسىن ۇيىمداستىرۋ تۋرالى شەشىم قابىلداندى.
