ايماقتار • 23 شىلدە، 2021

مەكتەپ قۇرىلىسىنا ماڭىز بەرىلگەن

18 رەت كورسەتىلدى

ورتا مەكتەپتەردەگى ءۇش اۋىسىمدىق وقىتۋدى جويۋ ماسەلەسى قاراعاندى وبلىسىندا دا وتكىر تۇر. البەتتە، بۇل تىعىرىقتان شىعۋدىڭ جولدارىن تابۋ ءۇشىن جەرگىلىكتى اتقارۋشى بيلىك قولدان كەلگەننىڭ ءبارىن جاساپ باعۋدا.

قاراعاندى وبلىستىق قۇرى­لىس، ساۋلەت جانە قالا قۇرىلىسى باسقارماسىنىڭ مالىمەتى بويىن­شا، بيىلدىڭ وزىندە وبلىستا الەۋمەتتىك ماڭىزى بار 20-دان اسا نىسان سالۋ جوسپارلانعان. قازىرگى ۋاقىتتا 1 300-دەن اسا بالا وقيتىن ءتورت مەكتەپتىڭ قۇ­رى­لىسى باستالدى. وبلىس ورتا­لىعىندا جانە جاڭاارقا اۋدا­نىندا ەكى ءبىلىم نىسانى پايدا بولادى. قاراعاندىدا، ماي­قۇدىق ەلدى مەكەنىندە سالىنىپ جاتقان وقۋ ورنى 600 ورىنعا، ال جاڭاارقا كەنتىنىڭ مەكتەبى 464 ورىنعا ەسەپتەلگەن.

بۇدان بولەك شەت اۋدا­نىن­داعى كيىكتى اۋىلىندا 150 ورىندىق مەكتەپتىڭ قۇرىلىسى قىزۋ جۇرگىزىلۋدە. جەز­قاز­عان­داعى تەرەكتى ستانساسىندا 80 ورىندىق تاعى ءبىر عيما­رات سالىنىپ جاتىر. مىنە، ما­مانداردىڭ ەسەبىنشە، وسى قۇرى­لىستاردىڭ ناتيجەسىندە وبلىستاعى ءۇش اۋى­سىممەن وقىتۋ ما­سە­لەسىنىڭ ءتۇيىنى شەشىلىپ، ول­قى­لىقتىڭ ورنى تولماق.

ال ساتباەۆ پەن جەزقازعان قالالارىنداعى ارقايسىسى 320 ورىندىق ەكى بالاباقشا قۇ­رى­لىسى وڭىردەگى 640 بالانى مەكتەپكە دەيىنگى بىلىممەن قام­­تاماسىز ەتۋگە مۇمكىندىك بەرەدى. قاراعاندىدا قىزدارعا ار­نالعان ء«بىلىم-يننوۆاتسيا» لي­تسەيىنىڭ عيماراتىنا ەكى قا­باتتى قوسىمشا قۇرىلىس سالۋ جوسپاردا بار.

دەنساۋلىق ساقتاۋ سالاسىندا دا بىرقاتار جوبا جۇزەگە اسىرىلۋدا. مىسالى، مايقۇدىق پەن سۇرىپتاۋ ەلدى مەكەندەرىندە ءۇش جەدەل مەديتسينالىق جاردەم قو­سالقى ستانساسىنىڭ قۇرىلىسى ءجۇرىپ جاتىر.

قاراعاندىدا 200 توسەكتىك وبلىستىق كوپبەيىندى بالالار اۋرۋحاناسىنىڭ قۇرىلىسى بيىل اياقتالۋى ءتيىس. سونىمەن قاتار وبلىس ورتالىعىندا پوزيتروندى-ەميسسيالىق كومپيۋتەرلىك توموگرافيا ورتالىعى، №1 كوپبەيىندى اۋرۋحانا جانىنداعى قابىلداۋ-دياگنوستيكالىق بولىمشە جانە وبلىستىق ونكوديسپانسەردىڭ وپە­راتسيالىق-رەانيماتسيالىق بلو­گى سالىنۋدا.

سونىمەن قاتار نۇرا اۋدا­نىن­داعى كەرتىندى اۋىلىندا فەلدشەرلىك-اكۋشەر­لىك پۋنكت­تىڭ قۇرىلىسى مەديتسي­نا­لىق قىزمەتكە ءزارۋ جەرگىلىكتى حا­لىقتىڭ قاجەتىن وتەيتىنى ءسوزسىز.

 

قاراعاندى

 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار