بۇل ماماندىقتاردىڭ تاڭدالۋ سەبەبى – اۆتوماتتاندىرۋ جانە ەنەرگەتيكا قازىرگى تاڭدا الەمدە ورىن الىپ جاتقان جاپپاي تسيفرلاندىرۋدىڭ نەگىزى بولىپ سانالادى. بۇل كوللەدجدىڭ ىرگەسىندە قۇزىرەتتىلىك ورتالىعىن اشۋدا ەڭ باستى ماقساتى كوللەدج بازاسىن ماماندىققا قويىلاتىن جاڭا تالاپتاردىڭ پايدا بولۋىنا سايكەس جاڭعىرتۋ, شەبەرحانالار اۋماعىن كەڭەيتۋ جانە ءبىلىم الۋشىلاردىڭ وندىرىستىك تالاپتارعا دايىن مامان بولىپ قالىپتاسۋىنا وڭتايلى جاعداي جاساۋ جانە وسىنىڭ اسەرىمەن وسى ماماندىق بويىنشا ءبىلىم بەرۋ باعدارلاماسىنا تۇبەگەيلى وڭتايلى وزگەرىستەر ەنگىزۋ بولدى. كوپ ۇزاماي كوللەدج نۇر-سۇلتان قالاسىنداعى «تالاپ» كەاق ۇيىمىنىڭ قاتىسۋىمەن ءوز جوباسىن قورعاپ, ءبىلىم جانە عىلىم مينيسترلىگىنىڭ مەملەكەتتىك بيۋدجەتتى ۇتىپ الدى.
شەبەرحانا قاراستىرىلعان بيۋدجەتتىڭ شەكتەۋلى قالىبىنا سايكەس ءبىلىم الۋشىلاردىڭ ماماندىعىنا قويىلاتىن بارلىق داعدىلار مەن قۇزىرەتتىلىكتەردى تولىق قامتيتىنداي ەتىپ جاساقتالعان جانە ستۋدەنتتەرگە ورتالىقتا تەك قانا «باقىلاۋ ولشەۋ اسپاپتارى جانە اۆتوماتيكا سلەسارى», «ەلەكترمونتاجداۋشى» بىلىكتىلىگىن عانا ەمەس, «ەلەكترومەحانيك» بىلىكتىلىگىن الىپ شىعۋىنا جاعداي جاسالعان. ورتالىق «يندۋستريا 4.0» كەزەڭىندەگى دامۋ تەندەنتسياسىنا سايكەس ەتىپ جاساقتالعاندىقتان ونىڭ رەسپۋبليكا كولەمىندە اتالعان ماماندىق بويىنشا وقىتاتىن كوللەدجدەردە تەڭدەسى جوق. بۇل – وندىرىستىك تالاپتاردان وزىق يننوۆاتسيالىق شەشىمدەرى بار مامانداردىڭ قالىپتاسۋىنا, ءوندىرىس ورىندارىندا تەك قانا ءوز قىزمەتتىك فۋنكتسيالارىن تولىق ورىنداپ قانا قويماي, سول ءوندىرىستىڭ دامۋىنا ىقپال ەتەتىن جانە ءوندىرىستى مودەرنيزاتسيالاۋعا قابىلەتتى ماماندار بولىپ شىعادى دەگەن ءسوز. ويتكەنى قازىرگى تاڭدا الەمنىڭ تەحنيكالىق پروگرەسس پەن تەحنولوگيالىق دامۋى اياسىندا تۋىنداپ جاتقان ءوندىرىس ورىندارىن جاپپاي تسيفرلاندىرۋ ماسەلەسى ەلىمىز ءۇشىن دە ماڭىزدى.
ورتالىقتاعى جابدىقتار Siemens, Emerson, Fanuc, Festo, Mathworks الەمدىك دەڭگەيدەگى الپاۋىت وندىرۋشىلەرىنەن تىكەلەي جەتكىزىلدى جانە زاماناۋي سوڭعى وندىرىستەگى قوندىرعىلارىمەن جابدىقتالدى. وقىتۋشىلار ورتالىقتى وقۋ جابدىقتارىمەن جابدىقتاۋ بارىسىندا جۇمىسشى مامانداردىڭ حالىقارالىق دەڭگەيدەگى Worldskills تالاپتارىن دا ەسكەرگەن. وسىنىڭ ناتيجەسىندە ءبىلىم الۋشىلاردىڭ حالىقارالىق دەڭگەيدەگى ماماندىققا قويىلاتىن تالاپتارىنا ساي كاسىبي شەبەرلىگىن ارتتىرا تۇسۋىنە زور مۇمكىندىك تۋىپ وتىر.
«جاس مامان» جوباسى اياسىندا جاساقتالعان وقۋ ورتالىعىندا حالىقارالىق ساراپشىلار جانە ماماندارمەن بىرگە حالىقارالىق وقىتۋ كۋرستارى مەن شەبەرلىك چەمپيوناتتارىنا قاتىسقان شاكىرتتەر 30-عا جۋىق حالىقارالىق دەڭگەيدەگى سەرتيفيكاتتارعا يە بولىپ وتىر. بۇل – ءوندىرىس ورىندارىندا تەحنيكالىق ساۋاتتى, وزىق تەحنولوگيالاردى مەڭگەرگەن جوعارى بىلىكتى بولاشاق ينجەنەرلەر قۇرامىن قالىپتاستىرادى دەگەن ءسوز. سونداي-اق ورتالىقتان شىققان جۇمىسشى ماماندار ەلىمىزدەگى وسى ماماندىق بويىنشا ەڭ ۇلكەن ماسەلە بولىپ سانالاتىن وندىرىسكە تەحنولوگيالىق جانە يننوۆاتسيالىق شەشىمدەردى ەنگىزە الاتىن تەحنيكالىق ساۋاتتى مامانداردىڭ جەتىسپەۋشىلىگىنىڭ ورنىن تولتىرادى.
قازىرگى تاڭدا ءوندىرىس ورىندارىنداعى مامانداردىڭ ايتۋى بويىنشا اۆتوماتتاندىرۋ بىلىكتىلىگىن الىپ شىققان مامانداردا اۆتوماتتاندىرۋ جۇيەلەرىن ىسكە قوسۋ جانە باپتاۋ, اۆتوماتتاندىرۋ جۇيەلەرىن مودەرنيزاتسيالاۋ بويىنشا جاڭا جۇيەلەردى وندىرىسكە ەنگىزۋ داعدىلارى قالىپتاسپاعان. بۇل ماسەلەنىڭ تۋىنداۋ سەبەبى – رەسپۋبليكا كولەمىندەگى ورتا كاسىپتىك ءبىلىم بەرۋشى ورىنداردا اۆتوماتتاندىرۋ ماماندىعىندا ءبىلىم الۋشىلارعا تسيفرلىق تەحنولوگيالاردىڭ پايدا بولۋىنا بايلانىستى باعدارلامالاۋ جانە كومپيۋتەرلىك جۇيەلەردە اۆتوماتتاندىرۋ ينتەرفەيستەرى مەن اقپاراتتى تاسىمالداۋعا ارنالعان بايلانىس جۇيەلەرىن مەڭگەرتۋ داعدىلارىن ءبىلىم بەرۋ باعدارلاماسىنا ەنگىزىلمەگەندىگى. دامىعان شەتەلدىك مەملەكەتتەردەگى ورتا كاسىپتىك ءبىلىم بەرۋ ورتالىقتارىندا اۆتوماتتاندىرۋ ماماندىعىندا ءبىلىم الۋشىلارعا وسى داعدىلار مەن بىلىمدەر كەڭىنەن قاراستىرىلعان, سوندىقتان ول ايماقتاردا وسى ماماندىقتى ءتامامداۋشىلار وندىرىستىك ورىندارعا تولىعىمەن دايىن مامان بولىپ قالىپتاسىپ شىعادى. وسى ماسەلەلەر جاڭاوزەن قالاسىنداعى و.تۇرماعانبەت ۇلى اتىنداعى ماڭعىستاۋ يندۋستريالدى تەحنيكالىق كوللەدجىندە دە قامتىلىپ, «جاس مامان» جوباسى ارقىلى ىسكە اسىرىلادى دەپ سەنەمىز. ءبىز ءوز ماماندارىمىز ارقىلى ەل اۋماعىندا ينجەنەرلىك ءوندىرىس سالاسىندا تاپشى مامانداردى دايارلاپ, ەل دامۋىنا ۇلەس قوسامىز.
تاڭات ۋسكيمباەۆ,
و.تۇرماعانبەت ۇلى اتىنداعى ماڭعىستاۋ يندۋستريالدى تەحنيكالىق كوللەدجى ديرەكتورى
