قوعام • 23 شىلدە، 2021

جازعى لاگەرگە تەگىن قىمىز جەتكىزەدى

94 رەت كورسەتىلدى

بىزگە مالايسارى باتىر اتىنداعى مەكتەپتىڭ ديرەكتورى انار جەتىباەۆا جەرگىلىكتى كاسىپكەرلەردىڭ باستاماسىمەن مەكتەپ جانىنداعى جازعى لاگەرگە قىمىز جەتكىزىلگەنىن قۋانا حابارلادى. ەلىمىزدەگى «قايىرىمدى ىستەر مارافونى» جالپىۇلتتىق جوباسىنا وراي اۋىلشارۋاشىلىق قۇرىلىمدارى دا ۇلەس قوسىپ جاتىر.

ال جالپى، مەكتەپتە 125 بالا ءبىلىم الادى. قازىرگى كەزدە جازعى لاگەردە ەكى ماۋسىمدا 1-7-سىنىپ ارالىعىنداعى الەۋمەتتىك تۇر­عىدان از قام­تىلعان، كوپ بالالى وتبا­سى­نان شىققان 30 بالا دەما­لۋدا. بالالارمەن پسيحولوگ، كىتاپحاناشى، مەدبيكەلەر جۇمىس ىستەيدى. سپورتتىق شا­رالار مەن ءتۇرلى ساۋىقتىرۋ جات­تىعۋلارى، كۇن تەراپياسى، قۇم تەراپياسى وتكىزىلەدى.

انار جەتىباەۆانىڭ ايتۋىنشا، بالالارعا دۇرىس تا­ماقتانىپ، دەنساۋلىعىنا شي­پا بولاتىن قىمىز بەن دا­رۋمەندەر ءىشۋ قاجەت ەكەنى بەل­گىلى. مەكتەپتە اشىلعان «جاۋقازىن» دەپ اتالاتىن با­لا­لار­دىڭ جازعى ساۋىقتىرۋ لا­گەرىنە ءاندىر مادي باسقاراتىن «مادي» جانە قايىرجان جا­رىلعازيننىڭ «جارىلعازين» شارۋا قوجالىقتارى دەمەۋشىلىك جاساۋدا. قوس شارۋاشىلىقتىڭ ءونىم ءوندىرۋ بويىنشا ارنايى سەرتيفيكاتتارى بار. ار­قاي­سىسى 5 ليتردەن كۇنىنە 10 ليتر قىمىز جەتكىزەدى. بالالار كۇن­دەلىكتى ءتورت ۋاقىت تاماقتان كەيىن جاتار الدىندا، كەيدە تاڭ­ەرتەڭ قىمىز ىشەدى.

– ءيا، ءبىز ەرتەڭگىلىك دەنە جات­تىعۋلارىن جاسايمىز. مەدبيكە اپاي دەنساۋلىعىمىزدى، دەنە تازالىعىن تەكسەرەدى. ءدامدى قى­مىز ىشەمىز. ءتۇرلى تاقىرىپتا پسيحولوگيالىق ترەنينگتەر دە وتكىزىلدى. تۇستەن كەيىن بي بيلەپ، ءان ايتىپ، ءتۇرلى قويىلىمدارعا قاتىسامىز. جاز مەزگىلىندەگى تابيعاتتى، جازعى دەمالىس تۋرالى اسەرلەرىمىز جايلى سۋرەتتەر سالامىز. لا­گەر­دە وتە كوڭىلدى. سپورتتىق ويىن­دار ويناپ، اۋىل ماڭىنا ەكسكۋرسياعا بارامىز، – دەيدى دەمالۋشى بالالار.

ىدىستا ىرىس بار. بالالارعا قىمىز ۇلتتىق ىدىستار، توستا­عاندارمەن بەرىلەدى. بۇل دا – جاقسى تاربيە. جاس مۇعالىمدەر اتا-بابا مۇراسىن ساقتاۋ تاقى­رىبىندا اعاشتان جاسالعان شارا اياق، شارا، زەرە، ساپتىاياق، توستاعان، تەگەنە، تاباق، استاۋ، كەرسەن، ءشومىش، وجاۋ، قاسىق، اعاش شەلەك، كۇبى، شەلەك سياقتى ىدىس-اياقتىڭ تۇرلەرىمەن دە تانىستىرادى.

لاگەردىڭ جەتەكشىلەرى جاس ما­ماندار، مۇعالىمدەر اي­دانا امانجولوۆا، اسيما يمان­باەۆا، لاۋرا ۋريۋموۆا، كاميلا سولتانوۆا بالالاردىڭ بوس ۋاقىت­تارىن قىزىقتى وتكىزۋ­دە ىزدە­نىسپەن قىزمەت ەتۋدە. دەمالىس ۋاقىتىن ءتيىمدى ۇيىم­داستىرۋدا سالاۋاتتى ءومىر سالتى، ولكەتانۋ جانە تۋريزم، پا­تريوتتىق تاربيە، ەكولوگيالىق تاربيە، اتا-بابالار مۇراسىن ساقتاۋ سياقتى باعىتتاردا جوبا-جوسپارىن قۇرىپ، جۇمىس جاساۋدا.

 

پاۆلودار وبلىسى،

ماي اۋدانى،

مالايسارى باتىر اۋىلى

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار