«كۇنباعىس» ءفيلمى 8 ماۋسىم كۇنى Cannes Film Awards حالىقارالىق كينوفەستيۆالىنىڭ كونكۋرستىق باعدارلاماسىنا قاتىسقان بولاتىن.
اتالعان نوميناتسيا ەركەبۇلان دايىروۆقا «كۇنباعىس» كوركەم فيلمىندەگى ءرولى ءۇشىن بەرىلگەن.
رەجيسسەر ەليا گيلمان تۇسىرگەن «كۇنباعىس» كوركەم فيلمدە وتباسىنداعى ەرەسەك ادامداردىڭ ماسەلەسىن شەشۋگە تىرىسقان, ينتەرنەتكە تاۋەلدى 14 جاستاعى ءجاسوسپىرىم تۋرالى باياندالادى.
قۋانىشتى جاڭالىقتى ەستىگەن ساتتە اكتەردىڭ وزىنە قوڭىراۋ شالىپ, قۇتتىقتادىق.
«راحمەت! دەگەنمەن سۇراقتارىڭىزدى ءفيلمنىڭ رەجيسسەرىنە قويعانىڭىز ءجون بولار ەدى. ويتكەنى, ەڭبەكتىڭ ءبارى سول كىسىلەردىكى», دەيدى ەركەبۇلان دايىروۆ.
وكىنىشكەن قاراي, ءفيلمنىڭ رەجيسەرى ەليا گيلمانمەن سويلەسۋ مۇمكىن بولمادى.
ايتا كەتۋ كەرەك, «كۇنباعىس» كارتيناسى بىرنەشە حالىقارالىق كينوفەستيۆالدەردىڭ جۇلدەگەرى اتانعان. بۇعان دەيىن اتالمىش فيلم Venice Film Awards فەستيۆالىندە «ۇزدىك رەجيسسەر» سىيلىعىن; WRPN Women's International Film Festival فەستيۆالىندە «كەرەمەت شەبەرلىگى ءۇشىن» سىيلىعىن (2020); White Nights Film Festival بايقاۋىندا قازىلار القاسىنىڭ ارنايى سىيلىعىن (سانكت-پەتەربۋرگ, ءساۋىر, 2021) جانە تاعى دا باسقا جۇلدە العان.
وتاندىق اكتەردىڭ جەڭىسىنە قۋانعان جۇرت الەۋمەتتىك جەلىلەردە ەركەبۇلان دايىروۆتى جارىسا قۇتتىقتاپ جاتىر.
