وتىرىسقا جۇمىس توبىنىڭ مۇشەلەرى, مۇددەلى مەملەكەتتىك ورگاندار مەن ۇيىمداردىڭ وكىلدەرى جانە بىرىككەن ۇلتتار ۇيىمى دامۋ باعدارلاماسىنىڭ (بۇۇدب) قازاقستانداعى وكىلى قاتىستى.
پاندەمياعا بايلانىستى قازاقستاننىڭ بۇۇ ناسىلدىك كەمسىتۋشىلىكتى جويۋ جونىندەگى كوميتەتىندە بايانداما جاساۋ مەرزىمى وزگەرتىلىپ, 2022 جىلى جەنەۆادا وتكىزۋ جوسپارلانعان بولاتىن.
جۇمىس توبىنىڭ جەتەكشىسى – اقپارات جانە قوعامدىق دامۋ ۆيتسە-ءمينيسترى سەرىك ەگىزباەۆ جيىنعا قاتىسۋشىلاردى بۇۇ ناسىلدىك كەمسىتۋشىلىكتى جويۋ جونىندەگى كوميتەتىنىڭ بايانداما مازمۇنىنا قاتىستى كوممەنتاريلەرىن قايتا تالقىلاۋعا شاقىردى.
«بۇۇ كوميتەتى ۇسىنىمدارىنىڭ باسىم بولىگىن قازاقستان ورىندادى. سونىمەن قاتار مۇقيات زەرتتەۋدى قاجەت ەتەتىن بىرنەشە ۇسىنىس بار. مىسالى, ديسكريميناتسياعا قارسى جەكە زاڭنامانى ازىرلەۋ. بۇل ماسەلە ءتۇرلى ەلدىڭ تاجىريبەسى ارقىلى ودان ءارى بىرلەسكەن زەرتتەۋدى تالاپ ەتەدى», دەدى سەرىك ەگىزباەۆ.
سونىمەن قاتار بۇۇدب-نىڭ قازاقستانداعى ۇلتتىق ساراپشىسى بۇۇ كوميتەتىنىڭ قورىتىندى ەسكەرتۋلەرىن جويۋ بويىنشا مۇددەلى مەملەكەتتىك ورگاندارمەن جانە ۇيىمدارمەن جۇرگىزىلىپ جاتقان جۇمىستار تۋرالى ايتىپ بەردى.
ەستەرىڭىزگە سالا كەتەيىك, 1998 جىلى قازاقستان ناسىلدىك كەمسىتۋشىلىكتىڭ بارلىق نىسانىن جويۋ تۋرالى حالىقارالىق كونۆەنتسيانى راتيفيكاتسيالاعان بولاتىن. كونۆەنتسيا نورمالارىن ورىنداۋ شەڭبەرىندە ۇكىمەت قاۋلىسىمەن «ناسىلدىك كەمسىتۋشىلىكتىڭ بارلىق نىسانىن جويۋ تۋرالى حالىقارالىق كونۆەنتسيانى قازاقستان رەسپۋبليكاسىنىڭ ورىنداۋى تۋرالى سەگىزىنشى-ونىنشى جيىنتىق مەرزىمدى بايانداماسى» بەكىتىلگەن.
باياندامانى اقپارات جانە قوعامدىق دامۋ مينيسترلىگى جانىنداعى ۆەدومستۆوارالىق جۇمىس توبى بارلىق مۇددەلى مەملەكەتتىك ورگاننىڭ قاتىسۋىمەن ازىرلەپ, وندا 2014-2017 جىلدار ارالىعىنداعى ەسەپتىك كەزەڭدە قازاقستاننىڭ كونۆەنتسيا باپتارىن ىسكە اسىرۋى جونىندەگى اقپارات قامتىلعان.
دايىنداعان
كارىباي مۇسىرمان,
«Egemen Qazaqstan»
