ءىىم-ءنىڭ قىزمەتكەرلەرى قان مەن ونىڭ كومپونەنتتەرىن قاۋىپسىز تاپسىرۋ ءۇشىن بارلىق جاعداي جاسالعان قان ورتالىعىنىڭ مامانداندىرىلعان اۆتوبۋسىندا كەزەكتى رەت قان تاپسىردى. دونورلىق اكتسياعا ءىىم ورتالىق اپپاراتىنىڭ 60-قا جۋىق قىزمەتكەرى قاتىسىپ, قان ورتالىعىنا 26 ليتر قان جىبەرىلدى.
قان حيرۋرگيالىق وپەراتسيالار جاساۋ جانە كۇيىككە شالدىققان ناۋقاستارعا كومەك كورسەتۋ كەزىندە قاجەت. ول ونكولوگيالىق ناۋقاستاردىڭ ءومىرىن ساقتاۋعا جانە باسقا دا اۋرۋلاردى ەمدەۋدە ۇلكەن ءرول اتقارادى. دونورلىق قان قورلارىن تۇراقتى تۇردە تولىقتىرۋ – ادامداردىڭ ءومىرى مەن دەنساۋلىعىن ساقتاۋدىڭ كەپىلى. سوندىقتان مينيسترلىك قىزمەتكەرلەرى دونورلىق اكتسيالارعا قاتىسۋدى داستۇرگە اينالدىرعان.
«مەن ءۇشىن قان تاپسىرۋ وتە ماڭىزدى. سەبەبى ءبىز تاپسىراتىن قان 450 ميلليليتر بولسا دا, ول بىرەۋدىڭ ءومىرىن ساقتاپ قالۋى مۇمكىن», دەيدى ەسىرتكى قىلمىسىنا قارسى ءىس-قيمىل دەپارتامەنتىنىڭ قىزمەتكەرى ريزا تولەۋباي.
قر دسم ترانسفۋزيولوگيا عىلىمي-وندىرىستىك ورتالىعىنىڭ مەديتسينا قىزمەتكەرلەرى ىشكى ىستەر مينيسترلىگىنىڭ دونورلارىنا العىس ءبىلدىردى.
