ايماقتار • 21 شىلدە، 2021

تۇركىستان: ورداباسى اۋدانىنان ماڭعىستاۋعا 4 ۆاگون مال ازىعىن جىبەرىلدى

138 رەت كورسەتىلدى

بۇگىن تۇركىستان وبلىسى ورداباسى اۋدانىنداعى بادام ستانساسىنان ماڭعىستاۋ وبلىسىنا 110 توننا ءشوپ تيەلگەن 4 ۆاگون جىبەرىلدى، دەپ جازادى Egemen.kz وڭىرلىك ءباسپاسوز قىزمەتىنە سىلتەمە جاساپ.

بادام ستانساسىنان جولدانعان مال ازىعى ماڭعىستاۋ وبلىسىنىڭ شەتپە، قۇرىق جانە جەتىباي ستانسالارىنا جەتكىزىلەدى. ول جاقتا كومەكتى كۇتىپ الىپ، ۇلەستىرەتىن ازاماتتار بەكىتىلگەن.

«بۇگىنگى يگى اكتسياعا اۋدان كولەمىندەگى «باتسۋ ۆودوكانال» جشس، «ورداباسى تاس» جشس، شارۋا قوجالىقتارى، اۋداندىق ءماسليحات دەپۋتاتتارى، Nur Otan فراكتسياسىنىڭ مۇشەلەرى، ەرىكتى ازاماتتار، اۋدان تۇرعىندارى ۇلەس قوستى. ءبىز – ماڭعىستاۋ جۇرتىمەن بىرگەمىز!»، دەدى Nur Otan پارتياسى ورداباسى اۋداندىق فيليالى توراعاسىنىڭ ءبىرىنشى ورىنباسارى الياسقار بەردىمۇرات.

ورداباسى اۋدانى اكىمدىگى مەن پارتيانىڭ جەرگىلىكتى فيليالى جەم-ءشوپ ماسەلەسىن باقىلاۋدا ۇستاپ وتىر. اۋداندىق اۋىل شارۋاشىلىعى ءبولىمىنىڭ باسشىسى ءابىلدا الىبەكوۆتىڭ ايتۋىنشا، ايماقتا مال ازىعى جەتكىلىكتى دەڭگەيدە.

«دەگەنمەن، جىلداعىداي بىتىك ءشوپ بولماۋىنا بايلانىستى اۋدان اكىمى باعلان باتىرشاەۆتىڭ باستاماسىمەن ءاربىر اۋىل وكرۋگىندە مال ازىعىن جيناۋ بەكەتى اشىلدى. جەم-ءشوپ قورى جينالىپ جاتىر. وسى قور ارقىلى قىستا الەۋمەتتىك از قامتىلعان، مال ازىعىن جيناۋعا شاماسى جوق، اسىراۋشىسىنان ايىرىلىعان وتباسىلارعا جەم-ءشوپ بەرىلەدى. اۋدان اكىمدىگى قىسقى ناۋقانعا دايىندىقتى باستاپ كەتتى»،  دەيدى ول.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

ۇقساس جاڭالىقتار