وبلىستىق پوليتسيا دەپارتامەنتى ءباسپاسوز قىزمەتىنەن ءمالىم ەتكەندەي, ماقسات – جۇرگىزۋشىلەردى جول-كولىك اپاتىنان ساقتاندىرۋ.
«كولىكتەردىڭ جول بويىندا جۇرگەن ءىرى قارانى قاعۋى جيىلەپ بارادى. ماسەلەن, 17 شىلدەدە تاڭعى ساعات 05:00 شاماسىندا «اتىراۋ-ورال» تاس جولىمەن المالى اۋىلىنا قاراي قوزعالعان «ۆاز-21101» اۆتوكولىگىنىڭ جۇرگىزۋشىسى جول قاۋىپسىزدىگىن ساقتاماي, تۇيەنى قاعىپ كەتكەن. پوليتسيا قىزمەتكەرلەرى وقيعا ورنىنان كەتىپ قالعان 59 جاستاعى جۇرگىزۋشىنى انىقتادى», دەپ حابارلادى دەپارتامەنتتىڭ ءباسپاسوز قىزمەتى.
وسىنداي وقيعانىڭ الدىن الۋ ءۇشىن دەپارتامەنتتىڭ اكىمشىلىك پوليتسيا باسقارماسى مەن وبلىستىق جولاۋشىلار كولىگى جانە اۆتوموبيل جولدارى باسقارماسى «اتىراۋ-يندەر» باعىتىنداعى تاس جولعا پاترۋلدىك پوليتسيا كولىگى مەن ءۇي جانۋارلارىنىڭ ماكەتىن ورناتۋدى قولعا الدى. قازىر بۇل ماكەتتەر ءۇي جانۋارلارى كوپ جۇرەتىن, سونداي-اق جول-كولىك وقيعاسى بولۋى مۇمكىن قاۋىپتى ۋچاسكەلەردە تۇر.
