قۇرعاقشىلىق جايلاپ, ءشوپ شىقپاي قالعان باتىس وڭىرلەرىنە ءار ايماقتان كومەك قولىن سوزۋشىلار كۇن سايىن مال ازىعىن جونەلتىپ جاتىر.
جەلىدە سونداي ساتتەردىڭ بىرىنەن ۆيدەو تارادى. كادردا ۇيىنە ءشوپ اكەلگەن جاستاردىڭ ارەكەتىن كورگەن ماڭعىستاۋلىق اجە جىلاپ جىبەردى. قۋانىشتان جىلاعان اقجاۋلىقتى انا قىسىلعاندا قولداۋ بولعاندارعا اق باتاسىن بەرىپ, العىسىن جاۋدىردى.
«راحمەت, جارىقتارىم. سويلەي الار ەمەسپىن. وسىنداي كۇيگە ءتۇسىپ قالدىق... قول ۇشىن سوزىپ جاتقان جاندارعا اللا ريزا بولسىن, دەندەرى ساۋ بولسىن, وتباسىلارىنا باقىت تىلەيمىن», دەدى قۋانىشتان كوڭىلى بوساعان انا.
الەۋمەتتىك جەلى قولدانۋشىلارى ۆيدەونى جارىسا ءبولىسىپ, توپتاردا كەڭىنەن تالقىلاپ جاتىر. ولاردىڭ كوبى ۆيدەوداعى وقيعانى «كوڭىل تەبىرەنتەرلىك ءسات» دەسە, ەندى ءبىر «قۇرمەت سەكىلدى ازاماتتار كوپ بولسىن» دەپ تىلەك بىلدىرۋدە.
ايتا كەتەيىك, مالىنىڭ جاي-كۇي جوق وڭىرلەرگە جاردەمدەسۋ ءۇشىن جۇرتتى جۇمىلدىرعان جىگىت جايلى ماقالا بۇعان دەيىن دە سايتىمىزدا جاريالانعان ەدى.
