تابىلعان فايلدا الەۋمەتتىك جەلى قولدانۋشىلارىنىڭ جەكە يدەنتيفيكاتورى, اتى, تەگى, تەلەفون ءنومىرى جانە ء«وزىم تۋرالى» باعانىنا جازعان سيپاتتاماسى جازىلعان.
Telegram كانالىنىڭ اۆتورى تابىلعان فايلدى 1 ميلليوننان استام قولدانۋشىسى بار «گلاز بوگا» پلاتفورماسىنىڭ كليەنتتىك بازاسى رەتىندە سيپاتتايدى. اتالعان پلاتفورما - سۇراۋ بويىنشا الەۋمەتتىك جەلىلەردەن, مەسسەندجەرلەردەن, ىزدەۋ جۇيەلەرىنەن جانە باسقا دا دەرەككوزدەردەن پايدالانۋشى تۋرالى اقپارات جيناپ بەرەتىن تمد-داعى ەڭ ۇلكەن سەرۆيس.
«بۇل دەربەس دەرەكتەردى كيبەرقىلمىسكەرلەردىڭ پايدالانۋ قاۋپى جوعارى. ناقتى ايتقاندا ولار مۇنى ادامداردىڭ جەكە جانە بانكتەگى دەرەكتەرىن الۋ ماقساتىندا قوڭىراۋ شالۋ جانە حابارلاما جىبەرۋ ءۇشىن پايدالانۋى مۇمكىن. وسىعان بايلانىستى ءبىز بارلىق ينتەرنەت قولدانۋشىعا كيبەرگيگيەنانى ساقتاۋدىڭ ماڭىزدىلىعى تۋرالى ەسكەرتەمىز. ينتەرنەتكە جەكە دەرەكتەردى ەنگىزگەن كەزدە قىراعىلىق تانىتىپ, جەكە اقپاراتتى ءۇشىنشى تۇلعالارعا بەرمەۋدى سۇرايمىز», دەپ جازىلعان ءباسپاسوز حابارلاماسىندا.
