تاشكەنت قالاسىندا قر ەكولوگيا, گەولوگيا جانە تابيعي رەسۋرستار ءمينيسترى م.مىرزاعاليەۆ پەن وزبەكستان رەسپۋبليكاسىنىڭ سۋ شارۋاشىلىعى ءمينيسترى ش. حامراەۆ كەزدەستى.
تاراپتار سىرداريا وزەنىنىڭ ورتا جانە تومەنگى اعىسىنداعى سۋ جاعدايىن جاقسارتۋ جونىندەگى بىرلەسكەن شارالاردى تالقىلادى.
كەزدەسۋ سوڭىندا تۇركىستان وبلىسىنىڭ ماقتاارال جانە جەتىساي اۋداندارىنىڭ فەرمەرلەرى ۇشىن «دوستىق» مەملەكەتارالىق ارناسى بويىنشا سۋ جىبەرۋ كولەمى 80-نەن 90 م3/س دەيىن ۇلعايتىلدى. شاردارا سۋ قويماسىنا كەلەتىن اعىندى ارتتىرۋ بويىنشا بىرلەسكەن شارالاردى جالعاستىرۋ تۋرالى ۋاعدالاستىقتارعا قول جەتكىزىلدى.
سونىمەن قاتار ەكى ەل ۇكىمەتى اراسىنداعى ترانسشەكارالىق سۋ وبەكتىلەرىن بىرلەسىپ باسقارۋ جانە پايدالانۋ تۋرالى كەلىسىمنىڭ جوباسى تالقىلانىپ, جىلدىڭ سوڭىنا دەيىن كەلىسۋ راسىمدەرىن اياقتاۋعا نيەتتى ەكەنىن جەتكىزدى.
