10 قاڭتار، 2014

بوكەي ورداسى. باسپاحانا مۇراجايى

223 رەت كورسەتىلدى

ەكى عاسىردان استام تاريحى بار، تۇڭعىش پرەزيدەنتىمىز ن.نازارباەۆتىڭ تابانى ەكى رەت تيگەن قاسيەتتى دە كيەلى وردا توپىراعى تاعى ءبىر تاريحي جادىگەرمەن تولىقتى. كۇنى كەشە عانا مۇندا 1918 جىلى اشىلعان تۇڭعىش قازاق كەڭەستىك باسپاحاناسىنىڭ 95 جىلدىعىنا وراي بوكەي ورداسى تاريحي مۇراجاي كەشەنى قۇرامىندا جاڭادان باسپاحانا مۇراجايى اشىلدى.

ەكى عاسىردان استام تاريحى بار، تۇڭعىش پرەزيدەنتىمىز ن.نازارباەۆتىڭ تابانى ەكى رەت تيگەن قاسيەتتى دە كيەلى وردا توپىراعى تاعى ءبىر تاريحي جادىگەرمەن تولىقتى. كۇنى كەشە عانا مۇندا 1918 جىلى اشىلعان تۇڭعىش قازاق كەڭەستىك باسپاحاناسىنىڭ 95 جىلدىعىنا وراي بوكەي ورداسى تاريحي مۇراجاي كەشەنى قۇرامىندا جاڭادان باسپاحانا مۇراجايى اشىلدى.

بۇل جاڭا عيماراتتىڭ ەسىگىنە كەرىل­گەن لەنتانى قيۋ قۇرمەتى وبلىستىق مادە­نيەت، مۇراعاتتار جانە قۇجاتتاما باسقارماسىنىڭ باسشىسى ا.باتىر­حانوۆ پەن قارت قالامگەر تۇراقباي شاكەنوۆكە بۇيىردى. وسىناۋ سال­تاناتتى شاراعا اۋدان اكىمى نۇرلان راحىمجانوۆ تا قاتى­سىپ، ءوزىنىڭ ىزگى تىلەگىن جەتكىزدى.

ءيا، بۇل شەجىرەلى مەكەننىڭ ايتار سىرى دا، جىرى دا كوپ. جاڭا مۇراجاي ەكسپوزيتسياسىندا تۇڭعىش قازاق باسپاحاناسى تاريحى بارىنشا قامتىلىپتى. باسپاحانا مۇراجايىنان باسىلىپ شىققان «حابار»، «قازاق دۇرىستىعى»، «دۇرىستىق جولى» گازەتتەرىنىڭ العاشقى نومىرلەرىنىڭ كوشىرمەلەرىن، «حابار» گازەتىنىڭ تۇڭعىش رەداكتورى س.پ.ءميليۋتيننىڭ، العاشقى ءارىپ تەرۋشىلەر يبراھيم مۋلياكاەۆتىڭ، ابدوللا دەنگيزباەۆتىڭ، گازەت-جۋرنالدار شىعارۋعا بەلسەنە قاتىسقان باسقا دا تۇلعالاردىڭ فوتوسۋرەتتەرىن كورۋگە بولادى. جاڭا عاسىر باسىنا دەيىن اۋدان ءومىرىنىڭ ايناسى – «وردا جۇلدىزى» گازەتىن شىعارىپ كەلگەن اۋداندىق باسپاحاناداعى ءتۇرلى پوليگرافيالىق قۇرال-جابدىقتاردىڭ دا رەت-رەتىمەن وسىندا ورىن تەبۋى جاراسىپ-اق تۇر. ەرتەڭ-اق ولار دا قۇندى جادىگەرگە اينالارى حاق.

– وسىمەن بولدىق دەي المايمىز. كەزىندە بۇل باسپاحانادان ءتۇر­لى گازەت-جۋر­نالدارعا قوسا، ساياسي، ادەبي بروشيۋ­رالار شىعارۋعا اتسالىسقان ەلەۋسىن بۇي­رين، عۇمار قاراش، سەيىتقالي مەڭ­دەشەۆ، حالەل ەسەنباەۆ، تاعى باس­قا دا كوپتەگەن تاريحي تۇلعالار تۋرا­لى دە­رەكتى مالىمەتتەر جيناستىرۋ ۇستىندەمىز، دەيدى كەشەن ديرەكتورى عايسا تەمىربولات ۇلى.

تەمىر قۇسايىن،

«ەگەمەن قازاقستان».

باتىس قازاقستان وبلىسى،

بوكەي ورداسى اۋدانى.

سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار