10 قاڭتار، 2014

امەريكانىڭ التىن جۇلدەسى

183 رەت كورسەتىلدى

جاقىندا ەلىمىزگە اتلانت مۇحيتىنىڭ ار جاعىنان قۋانىشتى حابار كەلىپ جەتتى.

اقش-تىڭ NEW YORK REALISM Fine اrt اتتى نيۋ-يورك سۋرەتشىلەر وداعىنىڭ ۇيىم­­­داستىرۋىمەن وتكەن «LYRICAL INSPIRATION» («ليريكالىق شابىت») حالىقارالىق ارت-جوبا­سىندا ءبىزدىڭ وتانداسىمىز تالعات تىلەۋجانوۆ «realism» ساناتىندا «Golden ەagle» («التىن قىران») التىن مەدالىن جەڭىپ الدى.

جاقىندا ەلىمىزگە اتلانت مۇحيتىنىڭ ار جاعىنان قۋانىشتى حابار كەلىپ جەتتى.

اقش-تىڭ NEW YORK REALISM Fine اrt اتتى نيۋ-يورك سۋرەتشىلەر وداعىنىڭ ۇيىم­­­داستىرۋىمەن وتكەن «LYRICAL INSPIRATION» («ليريكالىق شابىت») حالىقارالىق ارت-جوبا­سىندا ءبىزدىڭ وتانداسىمىز تالعات تىلەۋجانوۆ «realism» ساناتىندا «Golden ەagle» («التىن قىران») التىن مەدالىن جەڭىپ الدى.

بۇل جۇلدە قازاق سۋرەتشىسىنە «بيىك شىڭدا» اتتى تۋىندىسى ءۇشىن تابىس ەتىلدى. مۇنداي جۇلدە اقش-تا بىرنەشە جىلدان بەرى «MFA» ارنايى باعدارلاماسى بويىنشا قولدانبالى ونەر سالاسىندا ەڭبەگى سىڭگەن ازاماتتارعا تاپسىرىلىپ كەلەدى. وسى بايقاۋدا نيۋ-يورك ونەر اكادەمياسىنىڭ وكىلى، قازىلار القاسىنىڭ ءتور­اعاسى مايكل پريتتيمان تالعات تىلەۋجانوۆقا التىن جۇلدەمەن بىرگە ءوزىنىڭ قولى قويىلعان سەرتيفيكات پەن كورمەنىڭ كاتالوگتارىن تابىس ەتتى. راسىمدە الەمگە تانىمال سۋرەتشىلەردىڭ ءبىرى م.پريتتيمان نيۋ-يورك ونەر اكادەمياسىنىڭ توراعاسى جانە كەسكىندەمە ونە­رىنىڭ ماگيسترى رەتىندە قازاق سۋرەت­شىسىنىڭ ونەرىنە جوعارى باعا بەرىپ، ونىڭ سۋرەتتەرى ءالى دە تالاي ادامداردىڭ قىزىعۋشىلىعىن تۋدىراتىنىن ايتتى.

جالپى، وسى بايقاۋعا 30-عا جۋ­ىق ەلدەن 500-گە تارتا سۋرەتشى  قاتىستى. سونىڭ ىشىندە ءبىزدىڭ سۋرەتشىدەن باسقا  اقش، رەسەي، فينليانديا، يزرايل ەلدەرىنىڭ وكىلدەرى ءتۇرلى نوميناتسيالار بويىنشا جەڭىمپاز اتاندى.

داستان كەنجالين،

«ەگەمەن قازاقستان».

 

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار