«ونىڭ اناسى اۋرۋحانا ىشىنە باسىپ كىرىپ, دارىگەرلەردىڭ جۇمىسىنا كەدەرگى كەلتىردى. وزگە ەمدەلۋشىلەردىڭ مازاسىن الىپ, شۋ شىعاردى. ەمدەلۋشىنىڭ اناسى اۋرۋحانا دارىگەرلەرىنىڭ ەمدىك شارالارى قابىلدانىپ جاتقانى تۋرالى ايتقانىنا قۇلاق اسپادى. سونداي-اق, ەمدەلۋشىنىڭ ءوزى قر باس مەملەكەتتىك سانيتاريالىق دارىگەرىنىڭ بۇيرىعىن بۇزىپ, اۋرۋحانا ءىشىن ۆيدەوعا تۇسىرگەن. وسىعان بايلانىستى №2 وبلىستىق اۋرۋحاناسىنىڭ اكىمشىلىگى جالعان اقپارات تاراتىپ, ونى جاريا ەتكەنى ءۇشىن ءىستى سوتقا بەرۋگە دايىن», دەپ ءمالىم ەتتى №2 وبلىستىق اۋرۋحانانىڭ اكىمشىلىگى.
اۋرۋحاناعا تۇسكەندە ەمدەلۋشىدە كوروناۆيرۋس ينفەكتسياسىنىڭ بەلگىسى انىقتالعان. سونداي-اق, ەكىجاقتى پنەۆمونيا دياگنوزى قويىلعان.
«اناسى مەن كۇيەۋى ەكىجاقتى زاڭدى كۋاگەرلەردىڭ قاتىسۋىمەن قولحات جازىپ, ەمدەلۋشى ۇيىنە جىبەرىلدى. ەندى ماحامبەت اۋدانى تۇرعىنىنىڭ دەنساۋلىعى ۋچاسكەلىك دارىگەرلەردىڭ باقىلاۋىندا بولادى», دەپ حابارلادى اۋرۋحانا اكىمشىلىگى.
